କେତେ ହସୁଛି ଧନ

କୁନାଲ ଗାଧୋଉଅଛି ଥଣ୍ଡା ପାଣିରେ ,

ସୋନାଲ ଦେଉଛି ଧୋଇ କେତେ ଠାଣିରେ ।

ଖିଲି ଖିଲି ହୋଇ କେତେ ହସୁଛି ଧନ ,

ପାଣି ଚବଚବ କରେ-ଖୁସି ତା' ମନ ।

ତାଳିମାରି ଗୀତ ଗାଏ ଗୁଲୁରୁଗୁଲୁ,

ଗେଲ ବସରିଆ ପୁଅ ଚୁଲୁରୁବୁଲୁ ।

ଆମ ଘର ଲୋକଙ୍କର ଗଳାରମାଳି ,

ଜେଜେ,ଜେଜୀମାଙ୍କ ଗେହ୍ଲା,ନେତ୍ର ସଙ୍ଖାଳି ।

ସୋନାଲ,କୁନାଲ ଏ ଯେ ଦୁଇଟି ଭାଇ ,

କୌତୁକ କରି ଦିଅନ୍ତି ମନ ମଜାଇ ।

ପାଇ ସଭିଙ୍କ ଆଶିଷ ,ଆଦର-ସ୍ନେହ ,

ନିଶ୍ଚେ ଦିନେ ବଡ଼ ହେବେ ଏ ସୁନା ପୁଅ ।

ପାଠଶାଠ ପଢ଼ି ହେବେ ଭଲ ମଣିଷ, 

ସଂସାର ମଧ୍ୟରେ ରଖି ଯିବେଟି ଯଶ ।