କବିତା ଦିବସ

କବିତା ଦିବସରେ

ସବୁ କବିଙ୍କୁ ପ୍ରଣାମ।

କବି ଈଶ୍ବର

ଈଶ୍ୱର ସର୍ବ ବିଦ୍ୟମାନ

ଯୁକ୍ତିରେ ସମସ୍ତେ କବି।

କିଛି କବି, କବିତାର ପ୍ରିୟ

ଢେର୍ ମାନ ସମ୍ମାନ ତାଙ୍କର

ଆଉ କିଛି ରାସ୍ତାର ପଥର ।

ଯିଏ ଆବୋରି ପାରେନି ଶବ୍ଦଙ୍କୁ

ଯିଏ ଉଡେଇ ପାରେନି ନେତ

ଦେଉଳ ଚୂଡ଼ାରେ,

ଦିଅଁ କିପାଇଁ ଢାଳନ୍ତା ଅସରପି

ଆଜିର ଏ ଅମୃତ ବେଳାରେ ।

ଜଞ୍ଜାଳ ଢେକିଦିଏ ଶବ୍ଦ ସବୁ

ଫାଇଲ ଲୁଚେଇ ଦିଏ

ମୁକ୍ତିର ଠିକଣା,

ମୁଣ୍ଡ ଝାଳ ତୁଣ୍ଡେ ମାରି ଜୀଉଁ ଜୀଉଁ

କବିତାର ଝର ବହିଯାଏ ଅଜଣା ଦେଶକୁ

କବି ହୁଏ ବାଟବଣା ।

ନିରବ କ୍ଷଣମାନ ହୁଅନ୍ତି ବାଚାଳ

ବହୁଯୁଗୁ କଲମରୁ ସ୍ୟାହି

ହୋଇଅଛି ଶେଷ,

ପଥରର ଛାତି ଚିରି

କେବେ କେବେ ଫୁଟେ ବଣମଲ୍ଲୀ

ଫୁଟି ପୁଣି ଝଡିଯାଏ, ପାଏନା ସେ

ସେନେହ ପରଶ,

ସେ କବିଙ୍କୁ ସମର୍ପିତ

ଏକୋଇଶି ମାର୍ଚ୍ଚର କବିତା ଦିବସ