Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prabodha Chandra Mudra

Others

4  

Prabodha Chandra Mudra

Others

କାମ

କାମ

2 mins
436


ପୁରୁଷ-ପ୍ରକୃତି ଏ ଦୁଇ ଅଟନ୍ତି, 

ବିଶ୍ବ ସୃଷ୍ଟିର କାରଣ । 

ପ୍ରକୃତି ସହିତ ପୁରୁଷ ମିଳନ, 

ହୋଇଥାଏ ଅନୁକ୍ଷଣ ।


ପ୍ରକୃତିରୁ ସୃଷ୍ଟି ସତ୍ତ୍ବ ରଜ-ତମୋ,

ଏ ତିନି ପ୍ରକାର ଗୁଣ । 

ଜୀବାତ୍ମା ଶରୀରେ ଅଧିଷ୍ଠିତ ହୋଇ, 

ପ୍ରକାଶନ୍ତି ଆତ୍ମ ଗୁଣ ।


କାମନା ଆସକ୍ତି ରଜ ଗୁଣୁଜାତ,

ଦେହେ ଜୀବାତ୍ମା ବନ୍ଧନ । 

ଦୁଃଖ ଅଜ୍ଞାନରେ ହୁଏ ଦଗ୍ଧୀଭୂତ

ନାହିଁ ତା’ର ପରିତ୍ରାଣ ।


ସ୍ବାର୍ଥଭାବ ବୃଦ୍ଧି ଲୋଭ ଓ ପ୍ରବୃତି, 

ଅଶାନ୍ତି-ଭୋଗ-ଲାଳସା । 

ଏସବୁ ଦୁର୍ଗୁଣେ ତଲ୍ଲୀନ ହୋଇଣ, 

ଭୋଗେ ଅନେକ ଦୁର୍ଦ୍ଦଶା ।


ପ୍ରତି ଜୀବାତ୍ମାରେ ଷଡ଼ରିପୁ ସହ 

ଥାଏ ପୁଣି ତିନିଗୁଣ । 

ଗୁଣ ଅନୁସାରେ ପ୍ରକୃତିମାନଙ୍କ, 

ଆଧିକ୍ଯତା ଅବା ନ୍ଯୁନ ।


ରଜୋ ଗୁଣେ ଜୀବ ହୋଇଣ ଆବଦ୍ଧ, 

ମଧ୍ୟରେ କରଇ ଭେଗ ।

ଊକାମନା ଜ୍ବାଳାରେ କ୍ଷଣିକ ସୁଖରେ, 

କରଇ ସଦା ସମ୍ଭୋଗ ।

 

ରଜୋ ଗୁଣ ଅଟେ କର୍ମର ପ୍ରତୀକ, 

ସେ କର୍ମେ ଜୀବ ନରତ । 

କାମିନୀ-କାଞ୍ଚନ ମୋହରେ ପଡ଼ିଶ, 

ଜଞ୍ଜାଳେ ବୁଡ଼ଇ ସେ ତ ।।


ଷଡ଼ରିପୁ ମଧ୍ଯେ'କାମ’ ଶକ୍ତି ଅଟେ, 

ପ୍ରଥମ ଶତ୍ରୁ ବ୍ଯକ୍ତିର। 

ନର୍କର ତ୍ରିବିଧ ଦ୍ବାର ମଧ୍ଯେ କାମ, 

ଅଟଇ ସର୍ବ ନରର ।


କାମୀର କାମରେ ବାଧା ଉପୁଜିଲେ, 

ମହାକ୍ରୋଧ ହୁଏ ସୃଷ୍ଟି । 

କାମନା ବାଣରେ ହୋଇ ଜର୍ଜରିତ, 

ଘଟାଏ ମହା ବିପତ୍ତି ।


କାମ ପ୍ରକୃତିରେ ହୋଇ ବଶବର୍ତ୍ତୀ 

ଜୀବ ହୁଏ କାମାସାକ୍ତ । 

ପର ଆପଣାର ସ୍ବାର୍ଥପର ଜ୍ଞାନେ, 

କରିଥାଏ ବୁଦ୍ଧି ଭ୍ରଷ୍ଟ ।


ସ୍ଥାନ କାଳ ପାତ୍ର ନ ମାନେ ମନୁଷ୍ୟ, 

କରେ ରମଣୀ ସଙ୍ଗମ । 

କାମାନ୍ଧ ହୋଇ ସେ ଅଜ୍ଞାନ ତମସେ, 

ପାଏ ଅନେକ ଦୁର୍ନାମ ।


ସକଳ ନାରୀଙ୍କୁ ସମ୍ଭୋଗ ସାମଗ୍ରୀ, 

ଚିନ୍ତାକରେ କାମାତୁର ।

ଶୟନେ-ସପନେ ଅବା ଜାଗରଣେ, 

କାମ ସର୍ବସ୍ବ ତାହାର ।


ଲଜ୍ଜା ଅପମାନ ଭୟ ଓ ଭ୍ରାନ୍ତିକୁ 

ନ କରଇ ସେ ଖାତର । 

କାମରୁ ଆନନ୍ଦ ମିଳେ ମହାସୁଖ, 

ଚିନ୍ତେ ସେ ମୂଢ଼ ପାମର ।


ରଜୋ ଗୁଣ ଦ୍ବାରା ହେଲେ ପ୍ରଭାବିତ, 

ହୁଏ କାମଭାବ ସୃଷ୍ଟି । 

ମଣିଷ ପଣିଆ ହୁଏ ଭସ୍ମୀଭୂତ, 

ଭୋଗେ ମହାନର୍କ ଗତି ।


କାମ ଯେ ସଂସାର ସୃଷ୍ଟିର କାରଣ

ବଂଶରକ୍ଷା ହୁଏ ପୁଣ ।

ଉତ୍ତରାଧିକାରୀ ସୂତ୍ରରେ ଉତ୍ପନ୍ନ

କରନ୍ତି ଧର୍ମ ରକ୍ଷଣ ।

 

କାମର ଦେବତା ଅଟନ୍ତି ଯେ 'ମାର’

ପଞ୍ଚବାଣ ତାଙ୍କ ଅସ୍ତ୍ର । 

ଦେବମହାଦେବ ତାଙ୍କର ସାୟକେ, 

ହୋଇଥିଲେ ଦଗ୍ଧୀଭୂତ । 


କାମାସକ୍ତ ହୋଇ ଦେବରାଜ ଇନ୍ଦ୍ର

ହରିଲେ ଅହଲ୍ଯା ସତୀ ।

ଇନ୍ଦ୍ରଙ୍କର ବ୍ଯାଜ ଜାଣି ଋଷିଶ୍ରେଷ୍ଠ

ଦେଲେ ଯେ ଶାପ ଝଟତି ।


ବିଶ୍ବାମିତ୍ର-ପରାଶର ଋଷିକୁଳ ।

ଥିଲେ ଦୃଢ଼ ବ୍ରହ୍ମବ୍ରତୀ ।

ତଥାପି କାମିନୀ ରମ୍ଭାଙ୍କ ପ୍ରେମରେ

କରୁଥିଲେ କ୍ରୀଡା ରତି ।


କାମନାର ଜୟ ଅତୀବ ଦୁର୍ଜୟ

ଜଗତେ ନୁହେଁ ସମ୍ଭବ ।

ସତ୍ତ୍ବ-ରଜ-ତମ ଗୁଣରେ ପ୍ରକୃତି

ନିଶ୍ଚୟ ଜଡିତ ହେବ ।


କାମନା ବିନାଶେ ଦୁଃଖର ବିନାଶ, 

ଏହା ଅଟେ ଶାସ୍ତ୍ରବାଣୀ । 

ଦୁଃଖର ବିନାଶେ ମନୁଷ୍ୟ ଲଭଇ, 

ପାଏ ଅପବର୍ଗ ପୁଣି ।


କାମନା ପ୍ରକୃତି ଅତି ଭୟଙ୍କର, 

ମହାଶତ୍ରୁ ମନୁଷ୍ୟର । 

ଏକାଗ୍ର ମନରେ ଇନ୍ଦ୍ରିୟ ନିଗ୍ରହେ 

ହୋଇଥାଏ କାମ ଦୂର ।


ପାର୍ଥିବ ସୁଖଟି ଅଟେତ ଅଳୀକ, 

ନ ଜାଣି ପାରେ ମନୁଷ୍ୟ । 

ଅନଳେ ପତଙ୍ଗ ଝାସ ଦେଲା ପରି, 

ହୁଏ ବିନାଶ ଅବଶ୍ୟ ।


ଇନ୍ଦ୍ରିୟ ଲାଳସା ଅଟେ ମହାତୃଷା, 

ନ ମେଣ୍ଟେ ବ୍ଯକ୍ତିର ଶୋଷ ।

ତୃଷ୍ଣାରେ କାତର ହୋଇଣ ଅଧୀର

ଶେଷରେ ହୁଏ ନିରାଶ ।


ଆତ୍ମଶକ୍ତି ବଳେ ଦୃଢ଼ ସଞ୍ଜମରେ, 

କରିଲେ ଈଶ୍ବର ଧ୍ଯାନ । 

ଷଡ଼ରିପୁ ବ୍ୟାଧି ଦୂରୀଭୂତ ହେବ, 

ମନ ହୋଇବ ପ୍ରସନ୍ନ ।


ହେ ! ଈଶ୍ବର ତୁମେ ମନୁଷ୍ୟ ଆତ୍ମାରୁ ,

କର ଷଡ଼ରିପୁ ଦୂର ।

ତୁମର ଆଶିଷୁ ବିଶ୍ବମଧୁମୟ 

ହୋଇଯାଉ ନିରନ୍ତର ।


         



Rate this content
Log in