କାହିଁକି ଅନୁତାପ

ଚନ୍ଦ୍ରର ଜ୍ୟୋତ୍ସ୍ନା ଠାରୁ ଆହୁରି ସ୍ୱଚ୍ଛ

ପ୍ରେମ ମୋର

ମହୋଦଧି ଠାରୁ ଅଧିକ ଗଭୀର

ମୋ ହୃଦୟ ଗହ୍ଵର

ପ୍ରଶାନ୍ତଠୁ ଅଧିକ ଶାନ୍ତ ମୋ ମନ

ସରଳ ତାକୁ ପରଖିଲୁ ତୁ ହେଲୁ ଆକର୍ଷିତ

ପସନ୍ଦ କଲୁ, ଅଧିକ ଭାବିଲୁ

ବଢାଇଲୁ ବନ୍ଧୁତାର ହାତ

ଆହୁରି ଅନୁସନ୍ଧାନ କଲୁ

ବଢିଲା ପିପାସା ତୋର ମିଳନର

ପଡିଲୁ ପ୍ରେମରେ ସମୟର ଧାରେ

ହେଲେ ଜଣା ନ ଥିଲା ତୋତେ

କ'ଣ କରୁଛୁ ତୁ ନିଜେ

ଜଣା ନଥିଲା ତୋତେ

ପ୍ରେମରେ ପଡିଯାଇଛୁ ବୋଲି

ଶୟନେ, ସପନେ, ଜାଗରଣେ

ଦେଖିଲୁ ମୋ ଚିତ୍ର ମୁଦ୍ରିତ ନୟନେ

ପ୍ରଶ୍ନ କଲୁ ନିଜକୁ, କାହିଁକି ଏ ଆକର୍ଷଣ

ସତରେ କ'ଣ ମୁଁ ପ୍ରେମରେ ପଡ଼ିଯାଇଛି?

ପ୍ରତିଜ୍ଞା କ'ଣ ଭଙ୍ଗ ହେଲା ମୋର?

ସତରେ କ'ଣ ଜୀବନର ଖସଡ଼ା ରାସ୍ତାରେ ମୋ ପାଦ?

ଆଗକୁ ରାସ୍ତା ନା ପଛକୁ

ଫସିଯାଏ ମାନସିକ ଦ୍ୱନ୍ଦ୍ୱରେ

ଭଲପାଇବାରେ ଆନନ୍ଦିତ ହେବ

ନାଁ

ଅନୁତାପ କରିବ

ବୁଝିପାରେ ନା ??????