ଜୟ ମାଗୋ କାତ୍ୟାୟନୀ
ଜୟ ମାଗୋ କାତ୍ୟାୟନୀ
1 min
449
ଷଷ୍ଟ ଦିବସରେ କାର୍ତ୍ତ୍ୟାୟନୀ ବେଶେ
ଉଭା ହୁଅ ପୂଜା ସ୍ଥାନେ
ପାଇ ମାଗୋ ତୋର ଦିବ୍ଯ ଦରଶନ
ଧନ୍ଯ ହୋଇଯିବୁ ଆମେ ।
ପ୍ରଥମ ହସ୍ତରେ ବରମୁଦ୍ରା ମାଗୋ
କରୁ ଆଶିଷ ପ୍ରଦାନ
ଦ୍ବିତୀୟ ହସ୍ତଟି ଅଭୟମୁଦ୍ରା ମା'
ଭକ୍ତଙ୍କୁ ଦେଉ ଜୀବନ ।
ତୃତୀୟ ହସ୍ତରେ ଧରି ଅଛୁ ଖଡ୍ଗ
ତୁହି ପାପୀ ସଂହାରିଣୀ
ଚତୁର୍ଥ ହସ୍ତରେ କମଳ ପୁଷ୍ପ ତୋ
କରୁଣାମୟୀ ଜନନୀ ।
ଆଜ୍ଞା ଚକ୍ରେ ତୋର କରୁଅଛି ଧ୍ଯାନ
ଜୟ ମାଗୋ କାତ୍ୟାୟନୀ
ସିଂହର ପୃଷ୍ଠରେ ଦିଅ ଦରଶନ
ଏତିକି ମୋର ମାଗୁଣୀ ।