ଜୟ ଜଗନ୍ନାଥ

ଜୟ ଜଗନ୍ନାଥ ଜୟ ଜଗନ୍ନାଥ 

   ଅରକ୍ଷିତ ଦୁଃଖ ହାରି

ଅରଖପୁରରେ ବସିଲ ହୋ ଆସି

    ଲକ୍ଷ୍ମୀକାନ୍ତ ନରହରି

କି ଦେଇ ପୁଜିବୁ କେମିତି ତୋଷିବୁ

     ପ୍ରଭୁ ମନକୁ ତୁମରି 

ତୋତେରେ କାଳିଆ ତୁଳସୀକୁ ଦେଇ

    ଗାଉଥିବୁ ହରି ହରି

ନକରିବ ରୋଷ ନ ଧରିବ ଦୋଷ

    ଦେବ ସବୁ କ୍ଷମାକରି

ତାପିତ ପରାଣେ  ପତିତ ଜୀବନେ

    ଭକ୍ତିଭାବ ଦେବ ଭରି

ଇଚ୍ଛାରେ ତୁମର ଭାସଇ ପଥର

&

Advertisement

nbsp;  ପଙ୍ଗୁ ଲଙ୍ଘିଯାଏ ଗିରି

ତୁମ ଇଚ୍ଛା ବିନା ପତ୍ର ବି ହଲେନା

   ଆହେ ଇଚ୍ଛାମୟ ହରି

 ଘଣ୍ଟ ଘୋଡାଇଣ ରଖିବ ହୋ ପ୍ରଭୁ

   ଅରଖପୁର ଆମ୍ଭରି

ତୁମ ପାଦପଦ୍ମେ ଏତିକି ମିନତି  

  ଦୀନବନ୍ଧୁ ଦଇତାରି 

ଜୟ ଜଗନ୍ନାଥ ଜୟ ଜଗନ୍ନାଥ 

   ଅରକ୍ଷିତ ଦୁଃଖ ହାରି

ଅରଖପୁରରେ ବସିଲ ହୋ ଆସି

    ଲକ୍ଷ୍ମୀକାନ୍ତ ନରହରି

(ଗଞ୍ଜାମ ଜିଲ୍ଲାର ଅରଖପୁରରେ ଥିବା ପାଖା ପାଖି ୨୫୦ ବର୍ଷ ତଳର ମନ୍ଦିର ଉପରେ ଆଧାରିତ କବିତା।)