ଜୟ ଗଣେଶ

ଜୟ ଗଣେଶ   ଜୟ ଗଣେଶ

    ଜୟ ଗଣପତି ବାବା

ଜୟ ତୁମ ପିତା ଭୋଳା ଶଙ୍କର 

   ଜୟ ହର ମହାଦେବା  

ଜୟ ମା ପାର୍ବତୀ ଜୟ ମା ଦେବୀ 

   ଜୟ ସିଦ୍ଧି ବିନାୟକ 

ଜୟ ଭ୍ରାତା ଜୟ  କାର୍ତ୍ତିକେଶ୍ୱର 

    ଜୟ ଜୟ ବେଦ ଅଙ୍କ 

ଜୟ ବ୍ରହ୍ମତା    ଜୟ ବିଦ୍ୟାଧର 

   ପ୍ରଭୁ ତୁମ ବିଦ୍ୟା ଶ୍ରେଷ୍ଠ

କଣ୍ଠେ ଭରି ଦିଅ   ଜ୍ଞାନର ଗଙ୍ଗା

   ତୁମେ ଅଟ ଗୁରୁ ଜ୍ୟେଷ୍ଠ

ବଳ, ବୁଦ୍ଧି ଦେଇ  ସ୍ୱଚ୍ଛ ପଥରେ

   ଭରି ଦିଅ  ପବିତ୍ରତା

ଆପଣା ବାହୁରେ କର୍ମଠ ଶିଖାଇ 

   ପାଶେ ରୁହ ଆମ ସଙ୍ଗତା

ନୈତିକ ସଂସ୍କାର ପୁରୋହିତ ଭାବ 

   ସାଳିତ କ୍ଷେତ୍ରେ ଜଡ଼ିତ

ସର୍ବ ଶାନ୍ତି ସୁଖେ   ବସାଇ ଆମକୁ

   ମୁକ୍ତି ପଥେ ଆଲୋଡିତ 

 ଜୟ ଗଣେଶ   ଜୟ ବିଘ୍ନେଶ୍ୱର

    ଗଜାନନ ବେଶେ ସାଧିତ 

 ଦୁର୍ଦ୍ଦିନ ସଙ୍କଟ   ଦୂର କରି ପାଶୁ

   ରକ୍ଷା କର ପ୍ରଭୁ ତୁରିତ !