ଜ୍ଞାନର ଆଲୋକ

ଆମ ଆନନ୍ଦରର ପର୍ବ ଦୀପାବଳି ,

ପାଳୁଥାଉ ଆମେ ସମସ୍ତେ ମିଳି |

ସାଙ୍ଗସାଥି ଆଉ ପ୍ରିୟପରିଜନ ,

ସମସ୍ତଙ୍କୁ ଜଣାଉ ଅଭିନନ୍ଦନ |

ଘରବାହାରେ ଦୀପ ଜଳୁଥାଏ ,

ମୁରୁଜ ପକାଇ ଦୁଆର ସଜାଯାଏ |

ସଭିଙ୍କୁ ମିଠା ପରି ଖୁସି ବାଣ୍ଟିଦେବା ,

ସ ଖୁସିରେ ଆମେ ଝୁମିବା ଗାଇବା |

ପରିବେଶ ଆମେ ସୁସ୍ଥ ରଖିପାରିବା, 

ସବୁଜ ଦୀପାବଳି ଆମେ ମନାଇବା |

ଅନ୍ତର ଭିତରେ ଯେତେ ଅନ୍ଧକାର ,

ଜ୍ଞାନ ଆଲୋକରେ କରିଦେବା ଦୂର |

 

ଆଲୋକର ମାଳ ଚାରିଆଡେ ଥାଏ,

ଘନ ଅନ୍ଧକାର ଅପସାରିତ ଯାଏ |

ପୟାଶ୍ରାଦ୍ଧ ପଡେ ଏହି ଦିନରେ,

ବଡବଡିଆଙ୍କୁ ଡାକୁ ଶ୍ରଦ୍ଧାରେ |

ମା କାଳୀଦେବୀଙ୍କୁ ପୁଜୁ ଏ ଦିନ ,

ସଭିଙ୍କର ସେ କରନ୍ତୁ କଲ୍ଯାଣ |

ରବଣଙ୍କୁ ମାରି ରାମ ଫେରିଥିଲେ, 

ଅଯୋଧ୍ୟାବାସୀ ଦୀପ ଜାଳିଥିଲେ |

  

ରାମ ଓ ରାବଣ ଆମ ମଧ୍ୟେ ଅଛି, 

କେଉଁ ରାସ୍ତା ଯିବ ମନ ବାଛୁଅଛି |

ରାମରଜ୍ୟ ପରି ଅନୁଭବ କରିବା ,

ପ୍ରଭୁଙ୍କୁ ସୁମାରି ଦୀପ ଜଳାଇବା | 

ମା ଲକ୍ଷ୍ମୀଙ୍କୁ ଡାକିବା ଭକ୍ତିରେ ,

ସର୍ବେ ଭବନ୍ତୁ ସୁଖୀନ ଭାବରେ |