ରକ୍ଷା କବଚ

ରାକ୍ଷୀ ସହିତ ପଠାଉଛି ଚିଠି ,

           ପଢିବ ମନ ଦେଇ 

ଭଉଣୀକୁ ଅନାଦର କରିବନି ,

          କହୁଛି ରାଣ ପକାଇ ।

ଦୂରରେ ରହିଲେ କଣ ହେଲା , 

          ଭାଇ ତ ମୋର ଅଛି 

ବ୍ୟସ୍ତତା ଭିତରେ ରହିଲେ ବି ,

         ଏ ମନ କେତେ ଖୋଜୁଛି ।

ସବୁ ବିପଦରୁ ରକ୍ଷା କରିବ ,

          ଏତିକି କରୁଛି ଆଶା

ରକ୍ଷାବନ୍ଧନର ପବିତ୍ର ସମ୍ପର୍କ ,

         ତୁଟାଇବନି ଭରସା ।

ଶୁଭଦ୍ରାଙ୍କର ସୁରକ୍ଷା ପାଇଁ ,

          ଦୁଇପଟେ ଦୁଇ ଭାଇ 

ବରଶକେ ଥରେ ବୁଲି ଯାନ୍ତି,

           ସାଙ୍ଗହୋଇ ଭଉଣୀଭାଇ ।

ଝଗଡା କରୁଥିଲି ଉପହାର ପାଇଁ ,

            ଏବେ ବି ମନେ ପଡୁଛି 

ପରିବାର ସହିତ ଭଲରେ ଥାଅ ,

            ଏତିକି କାମନା କରୁଛି ।