ଜୀବନ ପ୍ରଦୀପ
ଜୀବନ ପ୍ରଦୀପ
1 min
199
ଜୀବନ ପ୍ରଦୀପ
ଦିକି ଦିକି ଜଳେ
ଲିଭିବ ଦିନେ ନା ଦିନେ।
ସମୟର ସ୍ରୋତେ
ସୁଖ- ଦୁଃଖ-ବାତେ
ଅସ୍ଥିର ସେ ଅନୁକ୍ଷଣେ।
ଘଡିକି ଘଡ଼ି ତ
ଆୟୁଷ ତୁଟୁଛି
ଛିଦ୍ର-ଘଟେ ଯଥା ନୀର।
କାହିଁକି ହେ ବନ୍ଧୁ
ମନରେ ରଖିବା
ବୃଥା ହିଂସା ଅହଙ୍କାର ?
ଫୁଲ ଫୁଟି ସିନା
ଝଡିଯାଏ ହେଲେ
ବିତରେ ବାସ ଜଗତେ।
ମାନବିକତାର
ବାସ ବିତରିବା
ଆସ ଆମ୍ଭେ ଜନହିତେ।
ହସି ହସାଇବା
ସାରା ଦୁନିଆକୁ
ଯେତେଦିନ ଥିବା ରହି।
କେ ଜାଣେ ଦୁର୍ଲ୍ଲଭ-
ମାନବ ଜନମ
ଆଉ ମିଳିବ କି ନାହିଁ ?
ଏହି କ୍ଷଣ ସିନା
ଆମହାତେ ଅଛି
ଆର କ୍ଷଣ ଅନିଶ୍ଚିତ।
ତେଣୁ ଜୀବନର
ଏକ ଏକ କ୍ଷଣ
ବିନିଯୋଗ କର ମିତ।
ପ୍ରତିକ୍ଷଣ ରବି
ବିତରଇ ରଶ୍ମି
ପ୍ରତିକ୍ଷଣ ବହେ ବାୟୁ।
ଏହି କର୍ମଯୋଗ
ପ୍ରତି ମାନବର
ଜୀବନର ଦୀକ୍ଷା ହେଉ।