ଝରା ତୁଳସୀ

ଝରା ତୁଳସୀ ତୋ ଅଙ୍ଗୁ ଯେପରି

ଝରି ଯାଆନ୍ତା କି ପ୍ରାଣ ମୋ ହରି।।

ଝୁରୁ ଥିବି ତୋରେ ଗୁଣ ସୁମରି,

ଝରେ ନିର୍ଝର ଝରଣା ଯେପରି।।

ଝାଞ୍ଜି ପବନ ଏ ଜୀବନ ଜାଲ,

ଝିପି ଝିପି ବର୍ଷା କରୁଣା ଧାର।।

ଝଟକେ ଶ୍ରୀମୁଖୁଁ ଜ୍ୟୋତି ସୁନ୍ଦର,

ଝଟତି ଅଟକେ ମତି ମୋହର।।

ଝୁମୁରୁ  ଝୁମୁରୁ ବାଜେ ପାଉଁଜି ,

ଝୁମି ଯାଏ ମନ ସେ ତାନ ହେଜି।।

ଝାଞ୍ଜ କରତାଳ ଶବଦ ଯେତେ,

ଝଙ୍କୃତ ହୁଏ ମୋ ହୃଦୟେ କେତେ।।

ଝରା ଫୁଲ ଝରି ଯିବ ଟି ଦିନେ,

ଝିଟ ଜୀଵ ମିଶି ଯିବ ପରମେ।।

ଝାଉଁଳି ପଡିଲେ ମର ଶରୀର,

ଝିଙ୍କି ନେବେ ଚିଲ ଶ୍ବାନ ଶୃଗାଳ।।

ଝଙ୍କା ଗଛ ତଳେ ଛାୟା ବିଳାସ,

ଝରା ପତରକୁ ନାହିଁ ବିଶ୍ବାସ।।

ଝୁରେ ମନ ଝରେ ନୟନୁ ନିର,

ଝିଙ୍କି ନେଏ କୋଳେ କଳା ଠାକୁର।।