ହରର୍

ହରର୍ ଲାଗୁଥିଲା ସେତେବେଳେ

ଯେତେବେଳେ ଥିଲା ଘେରା ଜଙ୍ଗଲ,

ଏବେ ତ ଜଙ୍ଗଲ ଉଠିଗଲାଣି

କାହୁଁ ପାଇବା ଆମେ ମଙ୍ଗଳ ।।

ପରିବର୍ତ୍ତନ ର ଯୁଗ ଆଜି ଅବତୀର୍ଣ୍ଣ

ପୁରାତନ ସମୟେ ବିତୁ ଥିଲା ଲୋକଙ୍କର ଭୟ,

ଜଣା ଥିଲାନି କିଏ କରୁଛି ଏ ହରର୍

ଏ ସମୟେ ହରର୍ ବାଦୀ ରହୁନାହାନ୍ତି ଧରି ଥୟ ।

ସେ ସମୟେ ଜନତା ହରର୍ ମଧ୍ୟରେ

ପେଶି ହେଉଥିଲେ କେଉଁ ଅଜଣା ସତ୍ତାର ହରର୍,

ଆଜି ନାହିଁ ସେ ଗୁଣୀ ଗାରେଡ଼ି,ନାହିଁ ଭୂତ ପ୍ରେତ

କିମ୍ପା ଲାଗୁଛି ପୁଣି ଏକ ଭିନ୍ନ ସ୍ୱାଦ ର ହରର୍ ।।

ଆତଙ୍କ ଖେଳାଉଛି ଆତଙ୍କବାଦୀ

ଦୋହଲି ଯାଉଛି ସେ ବଣ ରାଇଜ,

ଲୋକେ ହନ୍ତସନ୍ତ ମାନବ ଅସ୍ଥିର

ତ୍ରାହି ପାଉନାହିଁ ଜନ ସେଠି ଚାଲିଛି ମଉଜ।।

ନିଃସହାୟ,ଅସହାୟ,ଦୁସ୍ତ ମଣିଷର

ଜନ ମାନସରେ ଏ ହରର୍ ଏକ ବିଡମ୍ବନା,

ରାହା ପାଉନାହିଁ,ସାହା ପାଉନାହିଁ

କିପରି ହଟିବ ସୂତ୍ର ନାହିଁ ସମ୍ଭାବନା ।।

ଏକମାତ୍ର ଉପାୟ ଲୋଡା ଜନ ସଚେତନ

କାଟିବା,ଲୁଟିବା ଭଳି ଅମାନୁଷିକତା ସବୁ କଟିବ,

ଆଧୁନିକ ହରର୍ ମନୁଷ୍ୟକୃତ ହେଲେହେଁ

ମିଳିତ ଉଦ୍ୟମେ ଏ ବର୍ବରତା ନୀତି ତୁଟିବ ।।

ଧମକ ଚମକ,ଚାବୁକ୍,ବନ୍ଧୁକ ରେ ହରର୍ ପଣିଆ

ଥିଲା ଗୋରା ସାହେବଙ୍କ ଏ ଦିବ୍ୟ ଭୂଇଁରେ,

ହଟିଗଲା ତାହା ଆଉ ରହିଲାନି ଟିକେ

ଏସବୁ ସମ୍ଭବିଲା ଭାରତ ର ଏକତା ବଳରେ ।।