ହେ ସନ୍ଥକବି

ବସନ୍ତ ରୋଗରେ ପୀଡିତ ହୋଇଲ

ହରାଇଲ ଦୃଷ୍ଟି ଶକ୍ତି

ଜାତିରେ ଯେ କନ୍ଧ ଆହେ ଭୀମ ଭୋଇ

ଦୃଢ଼ ତୁମ ଇଛାଶକ୍ତି ll

ତୁମରି ରଚନା ଏହି ସମାଜକୁ

ନୂତନ ବାର୍ତ୍ତା ଦିଏ

ତୁମରି ଭଜନ ଜଣାଣ ଶୁଣିଲେ

ମନେ ଭକ୍ତି ଭରିଯାଏ ll

ଶହଶହ ଛାନ୍ଦ କେତେ ଚଉପଦୀ

ସଂସାର ସଂସ୍କାର ପାଇଁ

କେତେ ଚଉତିଶା ଯାଇଅଛ ଲେଖି

ଜଗତର ହିତ ପାଇଁ ll

ମହିମା ଧର୍ମର ପ୍ରଚାର ପ୍ରସାର

ତୁମ ପାଇଁ ବିଶ୍ୱ ସାରା

ଓଡିଶା ମାଟିର ନିଜସ୍ୱ ଏଧର୍ମ

ପରିବ୍ୟାପ୍ତ ବିଶ୍ୱ ସାରା ll

ତୁମ ରଚନାରେ ମାନବର ଧର୍ମ

ଭରିରହିଛି ଦର୍ଶନ

ଜୀବନର ଧର୍ମ ସରଳ ବର୍ଣ୍ଣନା

ଧନ୍ୟ ସନ୍ଥ କବି ଧନ୍ୟ ll

ପ୍ରାଣୀଙ୍କ ଆରତ ଦୁଃଖ ନସହିଛ

ହୋଇଛ କେତେ ଅସ୍ଥିର

ନିଜର ଜୀବନ ନର୍କେ ପଡୁପଛେ

ହେଉ ଜଗତ ଉଦ୍ଧାର ll

ଚିନ୍ତାମଣି ଆଉ ମହିମା ବିନୋଦ

ବ୍ରହ୍ମନିରୂପଣ ଗୀତା

ନିର୍ବେଦ ସାଧନା ଯେ ଶ୍ରୁତି ନିଷେଧ

ହେଉ ଆଦିଅନ୍ତ ଗୀତା ll