ହେ'ପବନ ତନୟ ତୁମ୍ଭ କୃପା ସତ୍ୟ '

ଜୟ ହନୁମାନ ସଂକଟ ମୋଚନ

ଭକ୍ତି ଅର୍ଘ୍ୟ ପ୍ରଭୁ ଘେନ

ତବ କୃପା ବଳେ ଦୀନଦୁଃଖି ହସେ

ସର୍ବସ୍ଥଳେ ବିଦ୍ୟମାନ ! !

ସମ୍ଭବ ସଂଭାବ ସର୍ବ ସିଦ୍ଧିମାନ

ହେ' ପ୍ରଭୁ କରୁଣାକର

ତବ ଆଶିର୍ବାଦେ ଧୁରୁଷିଆ ଗ୍ରାମ୍ଯେ

ନିର୍ମିତ୍ତ ଦିବ୍ୟ ମନ୍ଦିର ! !

ଲଣ୍ଡା ପାହାଡଟା ସୁରମ୍ୟ ଇଲାକା

ସୌନ୍ଦର୍ଯ୍ୟର ଗନ୍ତାଘର

ସବୁଜ ବନାନୀ ହସିଉଠେ ଆଜି

ଗୁଞ୍ଜରିତ ପକ୍ଷୀସ୍ଵର ! !

ତୁମ୍ଭରି ଭକତ ମହାନ ପୁରୁଷ

ବ୍ରଜସୁତ ବ୍ରହ୍ମଚାରୀ

ଜୀବନ ସର୍ବସ୍ଵ ତବ ସେବା ସତ୍ୟ

ସାଜିଛନ୍ତି ବିଭାବରୀ ! !

ଅବସର ଧନ ନିର୍ମାଣରେ ମନ

ପ୍ରଜ୍ଞାଦୀପ୍ତ ମହାଜ୍ଯୋତି

ଗଢିଲେ ସରାଗେ ସ୍ଵହସ୍ତେରେ ସେ'ଯେ

ଭାବନାରେ ଭକ୍ତିପ୍ରୀତି ! !

ବ୍ରଜ ମୋହନ'ଙ୍କ ସର୍ବ ଅବଦାନ

ବଜ୍ରଅଙ୍ଗ ବିଜେସ୍ଥଳି

ଶ୍ରମ ଧନ ଦାନ ସ୍ଵଚ୍ଛ ତାଙ୍କ ମନ

ଦିନରାତି ଗଲେ ଭୁଲି ! !

ପ୍ରତିଷ୍ଠା ଦିବସ ତିଥି ମାନ ଯଶ

ଆୟୋଜନେ ମନପ୍ରାଣ ,

ନିୟମିତ ଭାବେ ପାଳନ୍ତି ସରାଗେ

ଏବ୍ରଜଙ୍କ ଅସୁଝାଋଣ ! !

ପତିବ୍ରତା ନାରୀ ବ୍ରତ ଉପଚାରି

କଳସୀରେ ଜଳଭରି

ଶୁଦ୍ଧପୂତ ମନେ ଢାଳନ୍ତି ସରାଗେ

ମହାଵୀର ନାମଧରି ! !

ତିନିଶତ ଆଠ ପୂର୍ଣ୍ଣ କୁମ୍ଭଜଳ

ମହାସ୍ନାନେ ଆମନ୍ତ୍ରିତ

ଗ୍ରାମ୍ୟ ପରିବେଶ ହୁଏ ମୁଖରିତ

ଏ'ପ୍ରଭୁଙ୍କ ମହିମା ସତ ! !

ଅନ୍ନ ବସନରେ ପରିପୂର୍ଣ୍ଣ ସତେ

ପର୍ବତ ଶିଖର ପୀଠ

ଭକତ ଅନେକ ପ୍ରଭୁ ବରପୁତ୍ର

ଦାନଧର୍ମେ ସିଦ୍ଧ ହସ୍ତ ! !

ଅପୂର୍ବ ମଣୋହି ସତେ ଅସରନ୍ତି

ସୁସ୍ଵାଦୁ ବ୍ୟଞ୍ଜନ ଅନ୍ନ

ପ୍ରଭୁକୃପା ଜାଣ ଏ'ଭକତଙ୍କ' ଦାନ

ଧୁରୁଷିଆ ଆଭୁଷଣ ! !

ଭକ୍ତି ଗୀତି ପ୍ରୀତି ସଂସ୍କୃତିର ଛବି

କେତେ ପୁଣି ଆୟୋଜନ

ଵିଶ୍ଵ ଶାନ୍ତି ଯଜ୍ଞ ସଂସାର କଲ୍ୟାଣ

ସମୃଦ୍ଧି ବିଜୟ ଜାଣ ! !

ପବନ ତନୟ ସଂକଟ ହରଣ

ମଙ୍ଗଳ ମୂରତି ରୂପ

ତବଶୁଭ ଦୃଷ୍ଟି ଆମ୍ଭରି ସମ୍ପତ୍ତି

ଜଳୁଥାଉ ଭକ୍ତିଦୀପ ! !

ଧୁରୁଷିଆ ଗ୍ରାମ ତୁମ୍ଭରି ଆଶ୍ରିତ

ହେ'ପ୍ରଭୁ କେଶରୀସୁତ

ମଙ୍ଗଳ ବିଧାନ କରହେ' ନନ୍ଦନ

ଶତଶତ ପ୍ରଣିପାତ ! !

! ! ! ! ! ! ! ! ! ! ! ? ? ? ? ! ! ! ! ! ! ! !

ସଦାନନ୍ଦ ସାହୁ , ଧୁରୁଷିଆ , ଆଠଗଡ , କଟକ ! !