Library
Profile
ହେ ' ଈଶ୍ଵର କୋଟିକୋଟି ନମସ୍କାର
ହେ ' ଈଶ୍ଵର କୋଟିକୋଟି ନମସ୍କାର
ହେ' ବିଶ୍ଵ ନିୟନ୍ତା ବ୍ରହ୍ମାଣ୍ଡ ଦେବତା
ତୁମରି ସ୍ଵୀକୃତି ସବୁ ,
ତୁମ ଆଦେଶରେ ଗଛ ପତ୍ର ହଲେ
ଆଭାସ ବିଭାଷ ବିଭୁ ॥
ତୁମେ ତାରି ପାର ତୁମେ ମାରି ପାର
ସଂଜୀବନୀ କର୍ଣ୍ଣ ଧାର ,
ସଙ୍କଟ ଉତ୍କଟେ ବିପଦ ଆପଦେ
ସାହା ହୁଅ ନିରନ୍ତର ॥
ହେ'ଈଶ୍ଵର କୋଟିକୋଟି ନମସ୍କାର ॥
ଅଶା ଭରସାର ତୁମେ ସୂତ୍ର ଧର
ମହନୀୟତା'ର ଛବି ,
ସୂର୍ଯ୍ୟ ଚନ୍ଦ୍ର ତାରା ସମର୍ପଣେ ପରା
ସର୍ବ ଜୀବ ଅନୁଭବି ॥
ସୁରମ୍ଯା ଧରିତ୍ରୀ ସବୁଜ ବନାନୀ
ବେଳାଭୂମି ସାଗର'ର ,
ନଦ ନଦୀ ହ୍ରଦ ପର୍ବତ ଶିଖର
ସବୁ ତୁମ ହସ୍ତାକ୍ଷର ॥
ହେ'ଈଶ୍ୱର କୋଟିକୋଟି ନମସ୍କାର ॥
ହସ କାନ୍ଦ ଭରା ଏ ଦୁନିଆଁ ପରା
ଲୀଳାମୟ ତୁମେ ବିଭୁ ,
ଦୁଃଖ ସୁଖ ଚିତ୍ର ସଂସାରେ ଆଙ୍କିଛ
ବାକିତ ରଖିନ ପ୍ରଭୁ ॥
ରୋଗ ଶୋକ ଦୁଃଖ ତୁମ ସମର୍ପଣ
> ବୈଚିତ୍ର୍ୟତା ସଂସାର'ର ,
ଧନୀ ଗରିବର ପ୍ରଭେଦ ବିଚାର
ସବୁ ତୁମ ଜ୍ଞାତସାର ॥
ହେ'ଈଶ୍ୱର କୋଟିକୋଟି ନମସ୍କାର ॥
କାହାକୁ ଦେଇଛ ପାଟ ପୀତାମ୍ବର
କାହା ଭାଗ୍ଯେ ଛିଣ୍ଡା କନା ,
ସର ଲବଣୀରେ କିଏ ଭାସୁଥାଏ
ଆଉକେ ପାଏନି ଦାନା ॥
ମାୟା ବନ୍ଧନରେ ବାନ୍ଧି ରଖିଛହେ
ଜନ ନେତ୍ରେ ଭରି ଲୁହ ,
ତବ ସୁବିଚାର ତୁମକୁ ଗୋଚର
ସଂସାରେ ଭରିଛ ମୋହ ॥
ହେ'ଈଶ୍ଵର କୋଟିକୋଟି ନମସ୍କାର ॥
ମିଛ ମାୟା ସିନା ଏ' ସାରା ଦୁନିଆଁ
ପ୍ରଭୁ ଏକା ତୁମେ ସତ୍ୟ ,
ଭାବର ଆବେଗ କରଇ ଅଥୟ
ଭକ୍ତ ଜନ ଝୁରେ ନିତ୍ୟ ॥
ଲକ୍ଷକୋଟି ଜନ ତୁମରି ସନ୍ତାନ
କରୋନା ସଙ୍କଟେ ଆଜ ,
ଜାଣିଶୁଣି ତୁମେ ଅଛକି ନୀରବେ
ଆହାକି ତୁମର ଧର୍ଯ୍ୟ ॥
ହେ'ଈଶ୍ଵର କୋଟିକୋଟି ନମସ୍କାର ॥
