ହେ' ବିଶ୍ଵ ନିୟନ୍ତା ବିଶ୍ଵକର୍ମା

ଆହେ ବିଶ୍ଵକର୍ମା କାର୍ମିକ ପ୍ରତିମା 

    ଶତଶତ ପ୍ରଣିପାତ , 

କୁଶଳୀ ବିନ୍ଧାଣି ଗଢିଲକି ଜାଣି 

    ସୃଷ୍ଟିର ବିଚିତ୍ର ଚିତ୍ର । 

     

 ପୁଣ୍ୟପ୍ରଭା ତିଥି ସଙ୍କରାତି ଆଜି 

     ତବ ମହୋତ୍ସବ ପର୍ବ , 

ପୁରପଲ୍ଲୀ ଠାରୁ ସହର ବଜାର 

    ମୂର୍ତ୍ତୀମନ୍ତ ଆବିର୍ଭାବ । 

ମହାନୁଭବର ଜୀବନ୍ତ ଠାକୁର 

   ଜୟ ଜୟ ବିଶ୍ଵକର୍ମା , 

ପରିକଳ୍ପନାର ମହାସୂତ୍ର ଧର 

   ନିର୍ମାଣର ନାହିଁ ସୀମା । 

ରହିଛି ପ୍ରବାଦ  କହାଣୀ ନିଚ୍ଛକ 

    ଶ୍ରୀମନ୍ଦିର ଗାଥାକଥା , 

ରାଜା ଇନ୍ଦ୍ରଦ୍ୟୁମ୍ନ ଆଦେଶ ସଂକଳ୍ପ 

   ଆବଦ୍ଧ କୋଠରି ନିଷ୍ଠା । 

ଠକଠକ ଶବ୍ଦ ନଶୁଣିଲା କର୍ଣ୍ଣ 

    ରାଜାଙ୍କ ମନରେ ଶଙ୍କା , 

 ଜଗନ୍ନାଥ ଦେବ ତୁମ୍ଭରି ସ୍ଵିକୃତ 

    ସେଥି ପାଇଁ ଅଧା ଗଢା । 

ବୃଦ୍ଧବେଶେ ଆସି ସାଜିଲ ବିନ୍ଧାଣି 

    ଚତୁର୍ଦ୍ଧା ମୂରତି ଚିନ୍ତା , 

ଏକୋଇଶ ଦିନ ନହେଲା ହେ'ପୁର୍ଣ୍ଣ 

   ଦୁଆର ଖୋଲିଲା ରଜା । 

ବୈଷୟିକ ଅବା ଯାନ୍ତ୍ରୀକ ନିର୍ମାଣ 

     ସବୁତ ତୁମ୍ଭରି ଦାନ , 

କୋଠାବାଡି ଠାରୁ ବନ୍ଧବାଡ ପୋଲ 

    ତୁମ୍ଭ ସ୍ପର୍ଶେ ସାଜେ ଧନ  । 

ଏ' ସାରା ବ୍ରହ୍ମାଣ୍ଡ ନିର୍ମାଣ ବିଭବ 

     ତବ ପ୍ରସନ୍ନତା ଭାବ , 

ତୁମ୍ଭ ବିନା ଯନ୍ତ୍ରୀ ଗଢି ପାରିବନି 

   ସାମନ୍ୟ ଗୋଟିଏ ଖମ୍ବ । 

ବୈଦୁତିକଯନ୍ତ୍ର ସମର୍ପଣେ ହିତ 

     ଆଧୁନିକ  ଚିତ୍ରଛବି , 

ବିଶ୍ଵକର୍ମା ସ୍ମରି  ସର୍ବେ ଆଗଭରି 

    ସାଜନ୍ତି'ତ  ଅନୁଭବି । 

ହେ' ପ୍ରଭୁ ଈଶ୍ଵର ବିଶ୍ଵର ଠାକୁର 

   କର ବାରେ ପ୍ରଭୁ ଦୟା , 

ଏ'ସୃଷ୍ଟି ସମ୍ଭାରେ ଆସ ସରାଗରେ 

    ଉଭାଷିତ ହେଵ ଛାୟା  ।