ହେ ବିଶ୍ୱନିୟନ୍ତା ବିଶ୍ୱକର୍ମା

ହେ ବିଶ୍ୱ ନିୟନ୍ତା କୁଶଳୀ ନିର୍ମାତା

କରିନାହଁ କିଛି ଊଣା ;

ଏ ରମ୍ୟ ସୃଷ୍ଟିଟା ଭବ୍ୟ ଅଟ୍ଟାଳିକା

ସାତ ସୁରେ ବାଜେ ବୀଣା !!

କୁଶଳୀ ବିନ୍ଧାଣି ଗଢିଛକି ଜାଣି

ଜଳ ସ୍ଥଳ ବନ ଗିରି ;

ଶୂନ୍ୟ ଆକାଶରେ ଚନ୍ଦ୍ରମା'ଆ ହସେ

ମର୍ତ୍ତ୍ୟ ବାସୀ ହ୍ୱ'ନ୍ତି ଝୁରି !!

ଆ'ହେ ସୃଷ୍ଟି କର୍ତ୍ତା ସୁଦକ୍ଷ ନିର୍ମାତା

ପରମ ବ୍ରହ୍ମ ବିଶ୍ୱକର୍ମା ;;

ଆଜି ଶୁଭ ପର୍ବ ଦିଅ ଆଶୀର୍ବାଦ

ସର୍ବ ତୃଟି କରି କ୍ଷମା !!

ତୁମରି ବିଭବ ଏ ସୃଷ୍ଟି ସମୂହ

ଆହେ ପ୍ରଭୁ ବ୍ରହ୍ମା ଦେବ ;

ସପ୍ତ ସିନ୍ଧୁ ଜଳ ମିଶ୍ରିତ ଲବଣ

ଆହା କି ରହସ୍ୟ ଭାବ !

ମହାଶୂନ୍ୟ ପଥ ବାରିଧିର ମିତ

ଝରିପଡ଼େ ବସୁଧ୍ଯାରେ ;

ସବୁଜିମା ରଙ୍ଗ ମାଆର ସରାଗ

ସମର୍ପଣ ଜାଣତରେ ;

ଯନ୍ତ୍ରାଂଶ ଦେବତା ମଙ୍ଗଳ କରତା

ବୈଷୟିକ ଜ୍ଞାନପତି ;

ସର୍ବକୁଶଳରେ ପ୍ରଗତୀ ପଥରେ

ବୃଦ୍ଧି ହେଉ ଶିଳ୍ପ ଖ୍ୟାତି !!

କଳକାରଖାନା ପ୍ରଗତୀର ବାନା

ଆଧୁନିକ ପ୍ରତିପତି

ଆହେ ସର୍ଵୋଦୟ ହୁଅହେ ସଦୟ

ହସିବ ମା' ବସୁମତୀ !!

ଶିଳ୍ପୀ ଧନ ମଣି ତୁମ୍ଭରି ସନ୍ତତି

ଗଢେ ସେ କୁହୁକେ ବସା ;

ଦେବ ଦେବାଳୟ ସୁଉଚ୍ଚ ନୀଳୟ

ସବୁତ ତୁମ୍ଭରି କୃପା !!

ତଵ ପାଦ ପଦ୍ମେ ଗୁହାରି ମୁଁ କରେ

ଦିଅ ପ୍ରଭୁ ଶୁଭାଶିଷ ;

ଏଶୁଭ ଦିବସେ ହସୁ ଶିଳ୍ପୀ ସତେ

ନରହୁ ତା'ଅବୋଶୋଷ !!

ସଦାନନ୍ଦ ସାହୁ ;

ଧୁରୁଷିଆ ; ଆଠଗଡ ;କଟକ