ହେ ବୀର ଯବାନ

ହେ ‐ ହେ ବୀର ଯବାନ ତୁମକୁ ସାଲାମ୍

    ଧନ୍ଯ ତୁମ ଦେଶ ଭକ୍ତି

ପରିବାର ପ୍ରେମ  ପାଦରେ ଆଡେଇ

     ବଢାଇଲ ଦେଶ ଶକ୍ତି

ବୀ ‐ ବୀର ପୁତ୍ର ଗଣ ମୋ ମାଟି ମାଆର

    ଘେନ ଅଶ୍ରୁ ଶ୍ରଦ୍ଧାଞ୍ଜଳି

ମୋ ମାଟି ମାଆକୁ ଦେଇ ଯେ ସୁରକ୍ଷା

    ଭୂମିରେ ପଡିଲ ଟଳି

ର ‐ ରବି ସମ ତେଜ ନେଇ ଆସିଥିଲ

   ମୋ ମାଟି ମାଆର କୋଳେ

ଶତ୍ରୁକୁ ଦମନ    କରିବା ପାଇଁ ଯେ

    ଭୟ କଲ ନାହିଁ ତିଳେ

ଯ ‐ ଜୀବନକୁ ତୁମ ଲଗାଇଲ ବାଜି

     ଅରଜିଲ କୀର୍ତ୍ତି ଯଶ

ଛାତିକୁ ଫୁଲାଇ    ତୁମ ପାଇଁ ଆଜି

     ଗର୍ବିତ ଆମରି ଦେଶ

ବା ‐ ବାରୁଦ-ଗୋଳାକୁ  ସାମନା କରୁଛ

     ହାତରେ ବନ୍ଧୁକ ଧରି

ଯୁଦ୍ଧ ଭୂମିକୁ ଯେ   ଯାଉଅଛ ତୁମେ

     ଜୟ ଜୟକାର କରି

ନ ‐ ନମନ ମୋ ଘେନ ହେ ବୀର ଯବାନ

    ଥାଉ ହୃଦେ ଦେଶ ଭକ୍ତି

ଯାହା ଦେଇଗଲ   ବଳୀଦାନ ତୁମେ

      ଚିର ସ୍ମରଣୀୟ ସ୍ମୃତି