ଗୁରୁ

ଗୁରୁ ହିଁ ଇଶ୍ଵର ଗୁରୁ ମହେଶ୍ଵର

ଗୁରୁ ହିଁ ପ୍ରକୃତ ସ୍ରଷ୍ଟା 

କଣ୍ଟକିତ ପଥ କରି କୁସୁମିତ

ଶିଷ୍ୟର ଦେଖନ୍ତି ନିଷ୍ଠା।

ହୃଦୟେ ଗୁରୁଙ୍କ ମାତାର ମାତୃତ୍ଵ

ବାହ୍ୟେ ପିତାଙ୍କ ଆକଟ 

ଚିନ୍ତା ଚେତନାରେ ଚୈତନ୍ୟର ଭାବ

ଶ୍ରୀଫଳ ଭାବେ ପ୍ରକଟ ।

ଅଜ୍ଞାନ ତିମିର ନାଶ କରି ମନୁ

ଜାଳନ୍ତି ଜ୍ଞାନର ଜ୍ୟୋତି 

ସତ୍ୟ ନ୍ୟାୟ ନିଷ୍ଠା ପଥେ ବ୍ରତୀ କରି

ଅଚିରେ ଦିଅନ୍ତି ମୁକ୍ତି ।

ଗୁରୁ ହିଁ ଜାଣନ୍ତି ଗୁରୁଙ୍କ ମହିମା

ଆଉ ଜାଣେ ନାହିଁ ଆନ 

ଯୁଗେ ଯୁଗେ ପ୍ରଭୁ ରାମ କୃଷ୍ଣ ରୁପେ

ଗୁରୁଙ୍କ ରଖନ୍ତି ମାନ।।