ଗୁରୁ ଆମ ଈଶ୍ୱର

 ବନ୍ଦଇ  ଶ୍ରୀ  ଗୁରୁ ଚରଣ,

 ଗୁରୁ  ହିଁ ସ୍ଵୟଂ ନାରାୟଣ ।

 ଅନ୍ଧାରୁ ଆଲୋକ ଦେଖାଇ,

 ସୁପଥେ   ନିଅନ୍ତି  ଚଳାଇ ।

 ପ୍ରଥମେ ମାତା ପିତା ଗୁରୁ,

 ବୋଲାନ୍ତି ସେହି ଆଦ୍ୟ ଗୁରୁ ।

 ଲାଳନ  ପାଳନ   କରନ୍ତି, 

 ସ୍ନେହ  ଶ୍ରଦ୍ଧାରେ ପାଳିଥାନ୍ତି ।

 ଦ୍ବିତୀୟେ ଶିକ୍ଷା ଦାନ ଗୁରୁ, 

 ତୃତୀୟେ ଦୀକ୍ଷା ଦାନ ଗୁରୁ ।

 ଜୀବନ   ମାର୍ଗ  ଦରଶନ, 

 ଦେଇ ନିଜର  ଶିକ୍ଷା ଦାନ ।

 ରାଷ୍ଟ୍ରକୁ   ଗଢନ୍ତି  ସୁନ୍ଦର,

 ଛାତ୍ରଙ୍କୁ  କରି  ଆଗୁସାର ।

 ବ୍ରହ୍ମା  ବିଷ୍ଣୁ  ଓ  ମହେଶ୍ୱର,

 ଗୁରୁ  ହିଁ  ସାକ୍ଷାତ  ଈଶ୍ୱର ।

 ଗୁରୁଙ୍କୁ  ନ  ମଣିବା  ନର, 

 ଗୁରୁ  ହିଁ  ଚଳନ୍ତି  ଠାକୁର ।

 ସେବିଲେ  ଗୁରୁଙ୍କ ପୟର, 

 ସଂସାରୁ ହୋଇଯିବା ପାର ।