ଘଡ଼ି

ଆସରେ ନେଇ ବହି ବସ୍ତାନୀ

ଯିବାରେ ପାଠ ପଢି

ଗୁରୁଜୀ ଆଜି ବୁଝାଇ ଦେବେ

କେତେ ପ୍ରକାର ଘଡ଼ି ।

ତିନି କଣ୍ଟାରେ ଚାଲଇ ଦେଖ

ହାତ ଓ କାନ୍ଥ ଘଣ୍ଟା

ଛୁଟି ସମୟ ହୋଇଲେ ପରା

ହୁଅଇ ଘଣ୍ଟା ପିଟା ।

ଆଗ କାଳରେ ସୂର୍ଯ୍ୟଙ୍କୁ ଦେଖି

ସମୟ ଜାଣୁଥିଲେ

ପାହିଲା ରାତି ବୋଲି ଜାଣନ୍ତି

କୁକୁଡ଼ା ଡାକ ଦେଲେ ।

ତାପରେ ପୁଣି ଆସିଲା ପରା

ଦେଖରେ ଜଳ ଘଡ଼ି

ଘଡିରୁ ଯେବେ ସରଇ ଜଳ

ଯାଏରେ ବେଳବୁଡି ।

ମୋବାଇଲ ଓ ଟିଭିରେ ଏବେ

ସମୟ ଦେଖିହୁଏ

ଗଡ଼ିଲେ ଗାଡି ଚାଲଇ ଘଡ଼ି

ଲେଖି ସୂଚାଇ ଦିଏ।

ଆହୁରି ଏକ ଘଡ଼ି ବି ଅଛି

ନାଆଁ ତା' ବାଲି ଘଡ଼ି

ସମୟ ସାଥେ ଉପର ବାଲି

ତଳକୁ ପଡେ ଝଡି ।

ତଳ ଉପର ଦେଖରେ ପିଲେ

ଦୁଇଟି ପାତ୍ର ଅଛି

ଉପର ପାତ୍ରେ ବାଲି ଭରିଲେ

ତଳକୁ ଯିବ ଖସି।

ଏଥିରୁ ଆମେ ଜାଣି ପାରିବା

ସମୟ କେତେ ହେଲା

ଗୁରୁ କହିଲେ ଯାଅରେ ପିଲେ

ବେଳ ତ ସରିଗଲା ।