ଏଠି ସମସ୍ତେ ଅଳିଆ ଗଦା

ଦୂରକୁ ସୁନ୍ଦର ପାହାଡ଼ ପର୍ବତ

ପାଖେ ଗଲେ କଣ୍ଟାବୁଦା

ସରକାରୀ ଯୋଜନା ବାହାରେ ଚିକଣ

ଭିତରେ ଅଳିଆ ଗଦା,

ଯୋଜନା ସବୁ ହଡ଼ପ ହେଉଛି

ଏଠି ଯୋଜନା ଗଦା ଗଦା

ଭୋଟର ବାପୁଡା ବଲ ବଲ ଚାହେଁ

ଦେଶ ହୋଇଲାଣି ପଦା

ଟଙ୍କାରେ ଚାଉଳ ଭାତ ଡାଲମାରେ

ଭୋଟର ହୋଇଲା ଫିଦା

ମନ୍ତ୍ରୀ,ଯନ୍ତ୍ରୀ,ତନ୍ତ୍ରୀ ସବୁ ଖାଇଗଲେ

ଦେଶ ହୋଇଗଲା ପଦା

କାହାକୁ କହିବା ଗୁହାରି ଆମର

ସମସ୍ତେ ଏଠାରେ ଦାଦା

ଭୋଟ ଗୋଟାକ ଦେଇକରି ଆମେ

ହୋଇଗଲେ ସବୁ ବୋଦା

କାହାକୁ କହିବା କିଏବା ଶୁଣିବ

କହିଲେ ପାଇବ ଶୋଦା

ଚୁପ ଚାପ ସବୁ ଅନ୍ଧ ହୋଇଗଲେ

ଏଠି ସମସ୍ତେ ଅଳିଆ ଗଦାଗଦା !