ଏତେ କଥା ଥିଲା ଯଦି

ଏତେ କଥା ଥିଲା ଯଦି

ତୁମ ମନର ଅତଳ ଗହ୍ୱରେ,

କହି ଦେଖିଥାନ୍ତ ଥରୁଟିଏ

ମାନୁଛି, ମୁଁ ନୁହେଁ ଭୂମିଜା ।

ତଥାପି, ନିନ୍ଦା ଅପବାଦରୁ ତୁମକୁ ଦୂରେଇ ରଖିବାକୁ

ଦେଇ ପାରିଥାନ୍ତି ମୁଁ

ଶହେ ଅଗ୍ନି ପରୀକ୍ଷା ,

ମିଶାଇ ଦେଇଥାନ୍ତି ମୋର ଏ ନଶ୍ୱର ଅବୟବକୁ

ସୀତାଙ୍କ ପରି, ଧରିତ୍ରୀ ଗର୍ଭ ରେ ।

ଏତେ କଥା ଯଦି ଥିଲା

ତୁମ ହସହସ ଓଠ ତଳେ

ଖୋଲି ଦେଇଥାନ୍ତ ଥରୁଟିଏ

ସେ ସମ୍ପର୍କର ସର୍ତ୍ତାବଳୀ କୁ ମୋ ଆଗରେ ।

ଜାଣି ରଖ, ମୁଁ ନୁହେଁ ଭୀରୁ

ତଥାପି, ତୁମ ମାନ ରଖି

ସାଜି ପାରିଥାନ୍ତି ମୁଁ ପଳାତକ,

ଆକଣ୍ଠ ପାନ କରି ନେଇଥାନ୍ତି

ତୁମ ଭାଗ ର

ଯନ୍ତ୍ରଣା ସବୁ କୁ ।