Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Satyabati Swain

Others

3  

Satyabati Swain

Others

ଏସନ ରଜ

ଏସନ ରଜ

1 min
12K



ଏସନ କୁନି

ଗୁମ୍ ହୋଇ ମନ ମାରି ବସିଛି

ଦୋଳି ଲଗାଅ ବୋଲି

ମୁଣ୍ଡ ଖାଉନି

ଗୀତ ଖାତା ଖୋଜୁନି

ପାନ ଖାଇବା ପାଇଁ

କୁରୁଳି ଉଠୁନି

କି ମୋର ଏଇଟା ଜାମା

ସେଇଟା ଜାମା

ହେବ ନାହିଁ ବୋଲି

ଜିଗର କରୁନି।


ଏସନ ରଜରେ କୁନି

ମାମୁଁ ମାଇଁ କି ମାଉସୀ କି ସାଙ୍ଗ ଘର 

ବୁଲି ଯିବାକୁ ଅଡି ବସୁନି

ପୋଡ଼ ପିଠାରେ କାଜୁ କିସ୍ ମିସ୍ ପକା କହୁନି

ତା ମୁହଁ କାନ୍ଦ କାନ୍ଦ।


ବାବା! ମୋ ସାଙ୍ଗ ମିତାଘରେ

କିଛି ଖାଇବାକୁ ନାହିଁ

ସେମାନେ ଏଇ ଏଇ ସୁରଟରୁ ଆସି

କ୍ୱାରେଣ୍ଟାଇନ୍ ଗୃହରୁ ଫେରିଛନ୍ତି

ସେ ଉପାସରେ

ମୁଁ କେମିତି ପାଳିବି ରଜ ଖୁସି ବାସି ରେ ବାବା!!

ବାବା ତୁମେ କଣ କରୋନାକୁ ମାରି ପାରୁନ?

ଏ କ ରୋନା ଥିବାରୁ ସିନା

ମୁଁ ଏକା ଏକା ଦୋଳି 

ଘରେ ରହି ଖେଳିବି

ବହାରକୁ ଯାଇ ପାରିବିନି

ମିତା ଘରେ ସିନା ଖାଇବାକୁ ନାହିଁ ।


ମୁଁ କାବା

ସାତ ବରଷର କଅଁଳ ମୁହଁରୁ

ଏ କଥା ଶୁଣି

କିଛି ଚାଉଳ,ଡାଲି ଓ ପରିବା ନେଇ

ମିତା ଘରେ ଦେଇ ଆସିଲାରୁ

ସେ ଟିକେ ମୂର୍କି ହସିଲା

କାଲି ପହିଲି ରଜରେ ମିତା ଘରକୁ 

ପୋଡ଼ ପିଠା ଦେବା କହିଲା

ମାଂସ ତରକାରୀ ବି ମାଆ

ମିତା ଘରେ ଦେବ

ସେ ତାଙ୍କ ପିଣ୍ଡାରେ

ମୁଁ ଆମ ବାରଣ୍ଡାରେ ବନସ୍ତେ ଡାକିଲା ଗଜ:-

ନାଇଁ ନାଇଁ ଗଜ ତ କାନ୍ଦୁଛି ବାପା

ତା ସହ ତା ଛୁଆକୁ ଆମେ

ସପୁରୀରେ ବାଣଦେଇ ମାରିଛୁ ବା

ଅନ୍ୟକୁ ଦୁଃଖ ଦେଇ ଆମେ

 ଖୁସି ହେଉ କି ବାବା?

ସେ କଣ ଆଉ ଡାକିବ ନା 

ରଜ ଦୋଳି କଟ କଟ ହେବ?


କୁନି

ମୋତେ ପଚାରୁଛି

ବାବା କିଏ ବଳିୟାନ୍

ଗଡ୍

ମଣିଷ

ନା କ ରୋନା?

ଏସନ ରଜରେ ମୁଁ

କୁନିର ଏଇ ପ୍ରଶ୍ନ ବାଣ ର

ନିଦାନ ଖୋଜୁଛି

ରଜ ମଉଜ ପାଣିଚିଆ ଲାଗୁଛି

କିଛି ପାକସ୍ଥଳୀ ଡାକ

କାନେ ପ୍ରତି ଧ୍ୱନିତ ହୋଇ 

ପୋଡ଼ପିଠା ବିନା ଗୁଡ଼ର

ସ୍ୱାଦ ଚଖାଉଛି।


Rate this content
Log in