ଦିବ୍ଯ ପ୍ରେମ

ରାଧାକୃଷ୍ଣଙ୍କର ପ୍ରେମରେ ସଂସାର

ଶିକ୍ଷା ପାଇ ବଡ଼ ଖୁସି

କଳକଳ ଯିଏ ସଦା ଝଟକୁଛି

କେବେ ହୋଇବନି ବାସି।୧

ଖୁସି ହେଉଅଛୁ ପାଳନ ସହିତ

ଦୋଳ ପୂନେଇଁରେ ସବୁ

ଏ ଦିବ୍ଯ ପ୍ରେମକୁ କେ'ଭୁଲି ପାରିବ

ଯେ'କରି ଦେଇଛି କାବୁ।୨

ସ୍ବର୍ଗୀୟ ପ୍ରେମତା ଗୋପୀ ଗୋପ ଦାଣ୍ଡ 

ଉଚ୍ଛୁଳି ଦିନେ ଉଠିଲା

ଧର୍ମ ଇତିହାସେ ଲିପିବଦ୍ଧ ହୋଇ

ପ୍ରଚାରିତ ହୋଇଗଲା।୩

ଗୋପ ବୃନ୍ଦାବନ ଯମୁନା କଦମ୍ବ 

ଏ ଦିବ୍ଯ ପ୍ରେମକୁ ଦେଖି

ଦେହ ମନ ସବୁ ସମର୍ପଣ କରି

ହୋଇଥିଲେ କେତେ ସୁଖୀ।।୪

ଦାଣ୍ଡର ଧୂଳି ବି ଦିବ୍ଯ ଚେତନାରେ

ଅଧିର ହୋଇ ଉଡି଼ଲା

ପାଣି ଓ ପବନ ସ୍ବଚ୍ଛ ନିରିମଳ

କଳକଳ ବହିଗଲା।୫

ବୃକ୍ଷରାଜୀ ସବୁ ସନ୍ତୁଷ୍ଟ ନୟନେ

ଚାହାନ୍ତି ରାଧାକୃଷ୍ଣକୁ

ଦିବ୍ଯତାକୁ ଦେଖି କୃତାର୍ଥ ହୁଅନ୍ତି

ଭୁଲି କି ଭୋକ ଶୋଷକୁ।୬

ସରଗ ମରତ ପାତାଳର ସବୁ

ଦେବଦେବୀ ଯେତେଥିଲେ

ହାତ ଯୋଡି଼ଦେଇ ଏ ଦିବ୍ଯ ପ୍ରେମକୁ

ଆନନ୍ଦରେ ଦେଖୁଥିଲେ।୭

ରାଧାକୃଷ୍ଣ ଦୁହେଁ ସଂସାର ହାଟରେ

ଦିବ୍ଯତା ସଂଯୋଗ ପାଇଁ

ଓହ୍ଲାଇ ଆକାଶୁ ଖେଳାଲୀଳା କଲେ

ସୁପଥେ ନେବାକୁ ବାହି।୮

ଧନ୍ଯ ହୋଇଥିଲେ ସେ'କାଳେ ଜନ୍ମିତ

ନର ପଶୁ ପକ୍ଷୀ କୀଟ

ବିଶାଳ ହୃଦୟ ମନେ ଥାପିଥିଲେ

ନ ଭାବି କି ନିଜେ ଛୋଟ।୯

ପ୍ରେମର ଠାକୁର ରାଧାକୃଷ୍ଣ ପାଇଁ

ଖିଆ ପିଆ ଭୁଲି ଯାଇ

ପ୍ରଣାମ ସହିତ ଧନ୍ଯବାଦ ସହ

ଦେଖୁଥିଲେ ସଦା ଧାଇଁ।୧୦