ଧନ ଓ ଧର୍ମ

ଧନ ଆଉ ଧର୍ମ ଦୁହେଁ ଆବଶ୍ୟକ

ମନୁଷ୍ୟ ସମାଜ ପାଇଁ

ଧନ ଯେ ସମ୍ପତ୍ତି ଧର୍ମ ଯେ ପ୍ରକୃତି

ସଦା ଲୋଡ଼ା ହୋଇଥାଇ।

ମନୁଷ୍ୟ ଜୀବନ ବଞ୍ଚିବା ନିମନ୍ତେ 

ଧନ ହୁଏ ଦରକାର

ହେଲେ ସେହି ଧନ କେଉଁଠୁ ମିଳିବ

ମଥା ହୁଏ ଚକ୍ରାକାର।

ଅଧର୍ମ ପଥରେ ଧନ ଅରଜିଲେ

ଜୀବନଟା ଶାନ୍ତି ନୁହେଁ

ହେଲେ ଏହି ଧନ ଧର୍ମ ପଥେ ଥିଲେ

ସର୍ବଦା ସେ ଖୁସି ହୁଏ।

ଜୀବନଟା ଆମ କ୍ଷଣସ୍ଥାୟୀ ଵାଵୁ

ଏ କଥା ନ ଯାଆ ଭୁଲି

ଶୂନ୍ୟ ହସ୍ତେ ଆସି ଶୂନ୍ୟ ହସ୍ତେ ତୁହି

ଏକା ଏକା ଯିବୁ ଚାଲି।

ଜୀବନ କାଳରେ ଯେତେ କର୍ମ କରି

ଧନ ସଞ୍ଚି ରଖିଥିବୁ

ଅନ୍ତିମ କାଳରେ ନ ନେବୁ ହାତରେ 

ତୁଚ୍ଛ କରି ଛାଡିଯିଵୁ।

ଅନ୍ୟାୟକୁ କରି ଅଧର୍ମକୁ ସାରି

ଯେତେ ଧନ ଅରଜିଵ

ଦେଖୁଥିଵୁ ସିନା ଭୋଗ ହେବ ନାହିଁ

ମୂଳପୋଛ ହୋଇଯିବ।

ମିଛର ସଂସାରେ ଲୋଭ ତୁ କରୁରେ

କାହିଁକି ଏ ମୋହ ମାୟା

ଧର୍ମ ପଥେ ଥିଲେ ଜୟ ଜୟ ହୁଏ

ଈଶ୍ୱର ହୁଅନ୍ତି ସାହା।