ଧାରା ଶିରାବଣ ମାସ ଶେଷ ରବିବାର

ଧାରା ଶିରାବଣ ମାସ ଶେଷ ରବିବାର

ନିଧିବୁଢା ବାଡି ପଟେ ପଡିଛି ବିଚାର

ମଶା ମାଛି ସଙ୍ଗେ ପୁଣି କରୋନା ଭୂତାଣୁ

ଏକା ଠାବେ ବସି ହେଉଥିଲେ ଗୁଣୁ ଗୁଣୁ

ମଶା କହେ ଜ୍ୱରଟାକୁ ମଣିଷ ଡରୁନି

ମାଛି କହେ ହଇଜା ମୋ କାନ୍ଦୁଛି ବାହୁନି

ବସି ସବୁ ଶୁଣୁଥିଲା କରୋନା ନାଗୁଣୀ

ପୁରୁଣା ମେଥଡ ସବୁ କୁହନା ଭଉଣୀ

ନୂଆ ରଙ୍ଗ ନୂଆ ରୂପ ନୂଆ କରି ନାଟ

ମଣିଷକୁ କେମିତି ସେ ଦେଇଅଛି ଛାଟ

ବୁଢାଠୁ ଭେଣ୍ଡିଆ ପୁଣି ମାଆ କୋଳୁ ଛୁଆ

ଛକି ଶୂନ ସେ ଖେଳୁଛି ମଣିଷ ବାଇଆ 

ଦିନେ ନାହିଁ ଅଧେ ନାହିଁ ହେଲା ଦୁଇ ବର୍ଷ

ପାଉନି ବାପୁଡା ନର ଯେତେ କଲେ ଚାଷ

ଧରିଛି ତା ଇମୁନିଟି ନାକ ତଣ୍ଟି ପୁଣି

ତୁଣ୍ଡି ବନ୍ଧାଇଛି ମୁହେଁ ଚାଇନା ବାୟାଣୀ

ଜ୍ୱର ସଙ୍ଗେ କାଶ ଛିଙ୍କ କି ଖରା ବରଷା

ଗିଳି ସାରିଲାଣି ପୁଣି କି ସାଇ ପଡିଶା 

ମହାମାରୀ ଉପାଧିଟେ ଦେଇଅଛି 'ହୁ'

ପାଉନି ମଣିଷ ବାଟ ମାଗୁଅଛି ଜୁ

ମଶାମାଛି ଶୁଣି ସବୁ ହେଲେ ଆବାକାବା

କେଉଁ ଗ୍ରହରୁ ଆସିଛୁ କିଏ ତୋର ବାବା ?

ନିଧି ବୁଢା ଶୁଣୁଥିଲା ଘୁମେଇ ଘୁମେଇ

ହାତ ଧୋଇ ସଫା କଲା ସାବୁନୁଟା ନେଇ

ମୁହେଁ ତୁଣ୍ଡି ବାନ୍ଧି ଦେଇ ଧରିଲା କଟୁରୀ

ଅନାବାନା ଗଛ ଲତା ସବୁ ଦେଲା ମାରି

ନାଳ ନର୍ଦ୍ଦମାକୁ ସବୁ କରିଦେଲା ସଫା

ମଶାମାଛିଙ୍କର ଆଉ ରହିଲାନି ଦଫା

ବାକି ରହିଗଲା ଖାଲି ଚାଇନା ଭୂତୁଣୀ

ବସି ଭାବୁଥିଲା ବୁଢା ବିଡି ଢୁକେ ଟାଣି

        

      କ୍ରମଶଃ