ଧାନ

ଆରେ ଧାନ ତୋର ଗର୍ଭରୁ ଚାଉଳ ଜନ୍ମ

ଆରେ ଧାନ

ଧାନରୁ ଚାଉଳ ନିଅଇ ରାଉଳ

ଦେବତା ଭୋଗ କରିଣ

ଆରେ ଧାନ

ତୋର ଗର୍ଭରୁ ଚାଉଳ ଜନ୍ମ

ଘରେ ତୁ ନଥିଲେ କୁଣିଆ ଆସିଲେ

ଡକା ପଡ଼ିଯାଏ ଜାଣ

ବାର ଦ୍ଵାରେ ଯାଇ ହସ୍ତକୁ ପାତଇ

ଧିକ୍ ଧିକ ତା ଜୀବନ

ଆରେ ଧାନ ତୋର ଗର୍ଭରୁ ଚାଉଳ ଜନ୍ମ

ଷାଠିଏ ପଉଠି ଭୋଗ ଲାଗେ ନିତି

ଲକ୍ଷ୍ମୀଙ୍କ ରାନ୍ଧଣା ଅନ୍ନ

ବଳକା ହୋଇଲେ ଦହି ଚହ୍ଲା ଥିଲେ

ତାକୁ ଅଭଡ଼ା କୁହନ୍ତି ଜନ

ଆରେ ଧାନ

ତୋର ଗର୍ଭରୁ ଚାଉଳ ଜନ୍ମ

ସେଇ ଚାଉଳରେ ନିର୍ମାଲ୍ୟ ହୁଅଇ

ମରଣକୁ ପ୍ରୟୋଜନ

କୋଟି କୋଟି ଜନ କରିଣ ଭୋଜନ

ସେତ ଗଲେଣି ବୈକୁଣ୍ଠ ଧାମ

ଆରେ ଧାନ