ଦେବଦାସୀ

ଘୁଙ୍ଗୁର ଆଜି ଅଧୀର ମୋର 

     ନାଚିବାକୁ, ତୋ ଆଗେ କଳାଠାକୁର |1|

ଦେବଦାସୀ ମୁଁ ତୋର, ତୋ ନାମେ 

       ପିନ୍ଧେ ମୁଁ ଶଙ୍ଖା ସିନ୍ଦୂର| 2|

କାଳିଆରେ ତୋ ବିରହେ, ମୁଁ ଆଜି ଅଧୀର 

    ଆଖିର ଲୁହ ମୋର ଝରେ ଝର ଝର|3| 

ନାହିଁ, ଆଜି ସେ ନାଟ୍ୟମଣ୍ଡପେ ଗୀତଗୋବିନ୍ଦ 

   ର ତାଳରେ ଗୀତରେ ଗୀତ ଆଉ ଛନ୍ଦ |4|

ଆଉ କି, ଭଲ ଲାଗେ ନାହିଁ କାଳିଆ 

   ଦେବଦାସୀର ଗୀତଗୋବିନ୍ଦ ତାଳରେ, 

ନାଚ ମନଲୋଭା, କି ଦୋଷ କରିଲି 

ଆଜି ବନ୍ଦ ସବୁ କିଛି ତୋ ପାଖେ

ମୋର ଭକ୍ତି ପୁଷ୍ପାଞ୍ଜଳି |5|

  ହେଲେ ମନର ମନ୍ଦିରେ ଘର ତୋହର 

ତାକୁ କି ରୋକି ପାରିବ ଏ ସଂସାର |6|

   ତୋ ଭାବରେ ମୁଁ ବନ୍ଧା 

ତୁ ମୋ ସୁହାଗ ସିନ୍ଦୂର |7|

   ନାହିଁ ଆଜି ଦେବଦାସୀର ପ୍ରଥା 

ହେଲେ ସବୁ ଭକ୍ତର ମନ ଆଜି ଉଚ୍ଛନ୍ନ 

  ନାଚି ନାଚି ଗାଇ ବାକୁ ତୋ ଭକ୍ତିର ଜୟଗାନ |8|

ମୁଁ ସିନା ନାହିଁ, ଆଜି ହେଲେ ଦେବଦାସୀର ଶବ୍ଦଟି

  ରହିଛି ରହିବ କାଳିଆରେ, ତୋ ଶ୍ରୀମନ୍ଦିର ଥିବା ଯାଏ |9|