ଦେବଭୁମି ଦେବଗଡ

ବାମଣ୍ଡା ରାଇଜ କଟକ ଆମ ,ଦେବଭୂମି ଦେବଦୁର୍ଗ ଦେବଗଡ

ସାହିତ୍ୟର ଖଣି ସଂସ୍କୃତିର ମଣି,ଉଜ୍ଜୟନୀ ବୁଧ ହଂସ କେଳିସର ।

ଆମଦେବଗଡ ଜିଲ୍ଲା ଅତି ମହାନ,ରାସ୍ତାଘାଟ ପଥ ଅତିସୁଗମ

ପ୍ରଧାନୀ ମାଆ ଯାହାର ସାହା, ତା ମଳୟ ନୀର ଅତିସୁଷମ ।

ଯେଉଁ ନାଆ ର କେତେ ମହାତ୍ମ୍ୟ, ନାନା ମତେ ହୁଏ କେତେ ପ୍ରଚାର

ଦେବତାଙ୍କ ଗଡ ବୋଲି ସତେ ସିନା,ଦେବଗଡ ନାମ ହେଲା ତାହାର 

ପର୍ବତ ପାହାଡ ସବୁଜ ବନାନୀ,ଏହି ସହରରେ ରହିଛି ଭରି

ପ୍ରଧାନପାଟେଶ୍ୱରୀ ଅଧିଷ୍ଠାତ୍ରୀଦେବୀ ସଦା ଶୁଣନ୍ତି ଆମ ଗୁହାରୀ ।

କୈଳାସ ପର୍ବତେ ସଦା ଶୋଭିତ,ଐତିହ୍ୟ ଝରଣା କୋରଡକଟ

ସୁରମ୍ୟ ନିବାସ ଲଳିତ ବସନ୍ତ,ପ୍ରଧାନପାଟର ଅଟେ ମୁକୁଟ ।

ଅନତୀ ଦୂରେ କୁଳୁକୁଳୁ ନାଦେ,ବହଇ ବ୍ରାହ୍ମଣୀ ସ୍ଥିର ଗତିରେ

ବାଳିଆ ଗୋହିରା ଟିକିରା ସାଥିରେ,ମିଳନ ଶୋଭା ମନକୁ ଘାରେ ।

ଦୋଳ ପୂନେଇ କୁ ରଜ ମଉଜ,ଦଶହରା ସଂଗେ ଗୁଣ୍ଡିଚା ଯାତ

ଗଣେଷମେଳା ନବାନ୍ନ ମେଲଣ,ମକରରେ ହସେ ପ୍ରଧାନପାଟ ।

ପ୍ରକୃତି ସମ୍ଭାର ପାଉଡି ଜାତି,ଆଦିବାସୀ ବୋଲି ସଦା ବିଦିତ

ତା କୋଳେ ଜନ୍ମିତ ନିରୀହ ସନ୍ତାନ,ସ୍ନେହ ସମ୍ପର୍କରେ ବନ୍ଧା ସତତ ।

ପୂଜା ପାଆନ୍ତି ପାଚଂଖଣ୍ଡା ମାଆ ରମ୍ଭାଦେବୀ ଆଉ ଶରଣୀପାଟ

ଝାଡେଶ୍ୱର ବାବା ଗୋକେର୍ଣେଶ୍ୱରଙ୍କୁ ଦେଖିବାକୁ ହୁଏ ମନ ଉଚ୍ଚାଟ ।

ଉତ୍କଳର ସତେ ଉଜ୍ଜୟନୀ ଅଟଇ ବାସୁଦେବଙ୍କ ରାମରାଇଜ ଏହି

ଶିକ୍ଷା ସଂସ୍କୃତିକୁ ବାହାବା ଦେଇଣ ରଚିଲେ କିରତୀ ବାମଣ୍ଡା ସାଇଁ ।

ଜନ୍ମଭୂମି ଆଉ କର୍ମଭୂମି ମୋର ଶୁଦ୍ଧପୂତ ଦେବଗଡ ସହର

ଲକ୍ଷ୍ମୀବନ୍ତ ଏଇ ଆମ ଜିଲ୍ଲା ମାଟି ତା ଚରଣେ ମୋର କୋଟୀ ଜୁହାର ।