ଦାୟିତ୍ୱ

ଦୁର୍ଲଭ ଜନମ ମଣିଷ ଜୀବନ

ସଂସାର କର୍ତ୍ତବ୍ୟ ପଥେ

ଜୀବନ ପାହାଚେ ଦାୟିତ୍ୱ ନାମଟି

ସହଜେ ବାଣ୍ଟିବା ସାଥେ ।

ପିତା ମାତା ସଦା ଦାୟିତ୍ୱ ନିଭାନ୍ତି

ସନ୍ତାନ ଉନ୍ନତି ପାଇଁ

ଶିକ୍ଷକଙ୍କ ଦାୟିତ୍ୱ ଶିକ୍ଷା ପ୍ରସାର

ଦାୟିତ୍ୱ ବିଦ୍ୟାର୍ଥୀ ପାଇଁ ।

ଦେଶର ରାଜା ଦେଶହିତ ପାଇଁତ

ପ୍ରଜା କର୍ତ୍ତବ୍ୟ ରେ ବନ୍ଧା

ସୃଷ୍ଟିର ଦାୟିତ୍ୱ ସ୍ରଷ୍ଟାଙ୍କ ହସ୍ତରେ

ପ୍ରଭୁ ସାଥେ ଜୀଵ ଛନ୍ଦା ।

ପରସ୍ପର ଦାୟିତ୍ୱ ସର୍ବେ କରନ୍ତି

ପ୍ରତୀକ୍ଷା ନୁହେଁତ କେହି

ସାଧନା ସଂକଳ୍ପ କର୍ମରେ ଜାଗ୍ରତ

ଶ୍ରେଷ୍ଠ ଜୀଵ ନର ଦେହି ।

ସମର୍ପଣ ଭାଵ କର୍ତ୍ତବ୍ୟ ବୋଧରେ

ନୂଆ ଉଦ୍ଦିପନା ଭରି

ଆଦର୍ଶ ଜୀବନ ଏକାନ୍ତ ଜରୁରୀ

ଦାୟିତ୍ତ୍ୱେ କର୍ମ କରି ।