ଦାୟିତ୍ଵ

ଦାୟିତ୍ଵ ମିଳଇ ଯେବେ କୁନି କାନ୍ଧକୁ

ଅନାଇ ପାରେନା ଆଉ ବହି ଖାତାକୁ ॥

ବିଦ୍ୟାଳୟ ତା ପାଇଁ ସାତପର ହୁଏ

ଶିଶୁ ଶ୍ରମିକ ନାମରେ ପରିଚିତ ହୁଏ ॥

କାମ ଦାମ କରି ରୋଜଗାର କରେ

ପରିବାର ନିର୍ଭର କରେ ତା ଉପରେ ॥

ଭୋକିଲା ଥାଉ ପଛେ ଉଦର ତାର

ସିଏ ଥିଲେ ପେଟ ପୁରେ ସଭିଙ୍କର ॥

ତା ଭାଗ୍ୟେ ନଥାଏ ଆଦର ସମ୍ମାନ

ଦାୟିତ୍ଵ ନିଭାଉଥାଏ ଭାଗ୍ୟ ଆଦରିଣ ॥

ଗରିବ ପିଲା ବୋଲି ଶୁଣେ ଛି ଛାତର

ସପନ ତା ପାଇଁ ଗାଡି ଘୋଡା ଘର ॥

ଜରି ପାଲ ତଳେ କଟେ ସମଗ୍ର ଜୀବନ

କାଦୁଅରେ ଜନମ, କାଦୁଅରେ ମରଣ ॥