ଦାରୁବ୍ରହ୍ମ ଚାରୁରୂପ
ଦାରୁବ୍ରହ୍ମ ଚାରୁରୂପ
1 min
400
ଆମରି କାଳିଆ ଭାବ ବିନୋଦିଆ
ଭାବକୁ ଲଗାଇ ଦେଖ
ଗୋଲକ ଛାଡିକି ଭୂଲୋକ ଆସିବ
ଛାଡିବନି ତୁମ ପାଖ ॥୦॥
ହୃଦୟେ ଝଲସି ଉଠିବରେ ଆସି
ଦାରୁବ୍ରହ୍ମ ଚାରୁରୂପ
ହେବ ଗଦ ଗଦ ଅନ୍ତରେ ଆନନ୍ଦ
ଧୋଇଯିବ ସବୁ ପାପ
ଶରୀରେ ଖେଳିବ ଦିବ୍ୟ ଚେତନାର
ଅମୃତମୟ ଝଲକ ॥୧॥
ସଂସାର ବନ୍ଧନ ଶିକୁଳି ଛିଣ୍ତିବ
ମାୟାଜାଲୁ ହେବ ମୁକ୍ତ
ଭୂମି ଠାରୁ ଭୂମା ସବୁଠି ଦେଖିବ
ଜଗନ୍ନାଥ ପରିବ୍ୟାପ୍ତ
ହାତକୁ ବଢାଇ କୋଳକୁ ଉଠାଇ
ଧରିବେ କଳାଶ୍ରୀମୁଖ ॥୨॥