Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

jamini dash

Others

3.9  

jamini dash

Others

ଦାଦନ

ଦାଦନ

1 min
268


ଦୁଃଖ କରିବାର କିଛି ନାହିଁ 

ଦୁଃଖ ହିଁ ମୋର ଜନ୍ମଗତ ପରିଚୟ

ପେଟ ଚାଖଣ୍ଡକ ପାଇଁ ମୁଁ

ସଙ୍ଘର୍ଷ କରେ ।

ଅନେକ ଦେଶ ଘୁରିବୁଲେ,

ଭୋକ ଉପାସରେ ପିିିଲାଛୁଆ 

ଆଉଟୁ ପାଉଟୁ ହୁଅନ୍ତି ,

ସ୍ତ୍ରୀପିଲା ମୁହଁରେ ଦାନା ଦେବା ପାଇଁ 

ଇଟା ଭାଟିର ହୁତୁ ହୁତୁ ନିଆଁରେ

ଦଗ୍ଧ ହୁଏ ,ରକ୍ତକୁ ପାଣିକରି ବୁହାଇ ଦିଏ।

 ମାଲିକର କୋପଦୃଷ୍ଟିର ଶିକାର ହୁଅନ୍ତି 

ମୋ ସରଳ ନିଷ୍ପାପ ସ୍ତ୍ରୀ ଆଉ ବଢିଲା ଝିଅ ।

ଭିଟାମାଟି କୁ ଫେରି ପାରେନି 

ମୃତ୍ୟୁ ସହିତ ସଂଗ୍ରାମ କରୁଥିବା

ବୁଢ଼ା ବାପା ମା ମୁହଁ ରେ ପାଣି ଦେବାପାଇଁ।

ଚାଳ ଛପର ଘର ଖଣ୍ଡିକ ଅଦିନିଆ ଝଡରେ ଭାଙ୍ଗିଯାଏ

ମୋ ପାଇଁ ଆସିଥିିିବା ପକ୍କା ଘର ,

ରାସନ କାର୍ଡ କୁ ବିକ୍ରି କରି ଦିଅନ୍ତି 

ସମାଜର ବଡ଼ବଡ଼ିଆମାନେ,

ଟଙ୍କା ଲାଞ୍ଚ ଦେଇପାରେନି ବୋଲି 

ମୋର ସବୁ ଅଧିକାର ଛଡେଇ ନିଅନ୍ତି ।

ଜ୍ଞାତି କୁଟୁମ୍ବ ଦୂରେଇ ଯାଆନ୍ତି ।

ସବୁ ହରେଇ ମଣିଷ ବଦଳେ ,

ଦାଦନର ପରିଚୟ ନେଇ ବଞ୍ଚେ,

ସାରା ଜୀବନ ପାଇଁ ।



Rate this content
Log in