ଶେଷ ନିଷ୍ପତ୍ତି

ଟାଇଁ ପାଇଁ ଖରା

କେଉଁ ଏକ ଅଜଣା ପଥରେ

ଚାଲି ଯାଇଛି 

ନିଜେ ବୁଝିବା ମୁସ୍କିଲ ।

ବୋଧହୁଏ ଜାଣିବାକୁ

ବୁଝିବାକୁ ସମୟ ନାହିଁ ।

ଇତସ୍ତତଃ ହୋଇ ବାହାରି ଯାଇଥିଲି,

କ୍ଷୀପ୍ର ଗତିରେ।

ସ୍ଥାନ କାଳ ପାତ୍ର ନ ବିଚାରି ।

ଏହା ହିଁ ଜୀବନର ଅବିଶ୍ଵସନୀୟ

ଶେଷ ଇଚ୍ଛା ।

ଜୀବନର ଦୋଛକିରେ 

ବ୍ୟସ୍ତ ବିବ୍ରତ ମଣିଷ 

ସବୁବେଳେ ଜାକିଜୁକି 

ଚାରିକାନ୍ଥ ଆଢ଼ୁଆଳରେ ଲୁଚି ରହିଥିବା

ଭୟାତୁର ହୃଦୟ 

ଜୋରରେ ସ୍ପନ୍ଦିତ ହୁଏ

ପାର ହୋଇ ଯାଏ 

ସବୁ ସୀମା ସରହଦ ।

ଡରିିିିଯାଏନି କା ନାଲି ଆଖିକୁ

ସବୁ ବାଧା ବନ୍ଧନକୁ ଛିନ୍ନ କରି

ରାଜରାସ୍ତାକୁ ଓହ୍ଲାଇ ଆସେ

ହୃଦୟରେ ଅସୀମ ବିଶ୍ଵାସ ଓ ଦମ୍ଭ

ଆନ୍ଦୋଳନ କରିବାର କ୍ଷମତା।

ସବୁ ସମସ୍ୟା ସମାଧାନ ହେବ

ଏଇ ଆସିିିିଗଲା ଶେଷ ନିଷ୍ପତ୍ତି 

 ନେବାର ସମୟ ।