ଚଲାପଥ

ଜୀବନର ଅଙ୍କାବଙ୍କା ରାସ୍ତା ଆଜି

ପଡିଛି ଶୁନଶାନ୍ ହୋଇ ।

କେତେବା ପଥିକ ଆସି ଫେରିଯାନ୍ତି

ସେଇ ଅରଣ୍ୟାନୀ ଅଗସ୍ତି ଭିତରେ ।

ଫଥିକ ଆଜି ମୁଁ ସେହି

ବାଟର ।

କରୁଣ ସେଇ ନିର୍ଜନ ଆରଣ୍ୟାନି ମଧ୍ୟେ

ଚାଲୁଛି ମୁ ଏକା ।

ମୋହ ମାୟା ପ୍ରେମ ପ୍ରତାରଣାର

ସେଇ ଦୁନିଆକୁ ଛାଡି

ଚାଲୁଛି ମୁ ଆଜି 

ନୂଆ ବାଟୋଇ ସାଜି ।

ଆକାଶକୁ ଲମ୍ବି ଯାଇଛି

ଶୂନଶାନ ଇଏ ବାଟ ।

ଚାଲିବି ମୁଁ ଏକାନ୍ତରେ

ନମାନି କାହାରି ବାଧା

ବିପତ୍ତିକୁ ।

ବଞ୍ଚିବାର ଆଶାକୁ ନେଇ

ଚାଲୁଛି ଆଜି ଏକାକି ।

ଯେତେଦୂର ପର୍ଯ୍ୟନ୍ତ

ପାଦ ଯୋଡିକ ଚାଳିବ

ଜୀବନର ଏକାନ୍ତରେ ।

ଯିବି ମୁଁ ଲଙ୍ଘି ସେହି

ପାହାଡ ପର୍ବତ ଘେରା

ଶିଖରର ମଧ୍ୟ ଭାଗକୁ

ପାଦ କ୍ଳାନ୍ତ ହେବା ଯାଏ ।