ଚକାନୟନ ୧୫

କେଣେ କଲୁ ତୋ ରଥ ତିଆରି କାଳିଆ

ଭକତ କେହି ତ ନଥିବେ

ଭକତ ବିନା ଏବେ ରଥ ଚାଲିବ କି ତୋର

ଦେଖିବାକୁ କିଏ ନଥିବେ ॥

ଆହା କି କାମ କଲୁରେ କାଳିଆ ସାଆନ୍ତ

ଭକତଙ୍କୁ ଦେଖି କୋରନା ଦୁଃଖରେ

ତୋ ଭଳି ଠାକୁର ଥାଉ ଥାଉ ରାଇଜେ

ପାଆନ୍ତି ଯାତନା ଅଚିହ୍ନା ରୋଗରେ ॥

ସତ ଯଦି ତୋର ଖଣ୍ତିଆ ହାତଗଢା ମୂର୍ତ୍ତି

ସତ ଅଟେ ଯଦି ତୋର ମହିମା

ନାଶ କରେ ତୁହି ତତ୍କ୍ଷଣାତ ଏବେଠାରୁ ତୁହି

ରଖେ ପତିତପାବନ ବାନା ଗାରିମା ॥

ସାରା ବିଶ୍ବରେ ପଡିଛି ଏବେ ହୁରି

ତ୍ରାହିମାଂ ତ୍ରାହିମାଂ ଡାକରା

ବଡଦାଣ୍ତେ ଭକତ ବି ଡାକୁଛନ୍ତି

ତ୍ରାହିମାଂ ତ୍ରାହିମାଂ ଚକରା ॥

ଚକ୍ରଧର ତୁମେ ଆହେ ଚକାଆଖିଆ

ବେଶୀ କଷ୍ଟ ଦେଲଣି ବିଶ୍ବକୁ

ଆଉ ତୁମେ ପ୍ରଭୂ ବଢାଅନା ରୋଗ ଦାଉ

ରକ୍ଷାକର ତୁମ ଭକତଜନଙ୍କୁ ॥