ବ୍ୟୟବହୁଳ ଶିକ୍ଷାପଲା
ବ୍ୟୟବହୁଳ ଶିକ୍ଷାପଲା
ଶିକ୍ଷା ଦୀକ୍ଷା ଭିକ୍ଷା କେ'କରିବ ରକ୍ଷା
ସାଂପ୍ରତିକ ସମାଜରେ ,
ବ୍ୟୟଭାର ସଵୁ ସମ୍ଭାଳି ନେବାକୁ
ଧନନାହିଁ ଆଉ ଘରେ ! !
ନିକିତିରେ ଯଦି ତଉଲି ମୁଁ' ଦେବି
ପୁତ୍ରସହ ଶିକ୍ଷାପେଡ଼ି ,
ଧନ ଦଉଲତ ହେବନି ସମାନ
ପୁତ୍ରପଟ ଦବମାଡି ! !
ବିବଶ ହେଲିଣି ଟଙ୍କା ଗଣିଗଣି
ଧନ୍ୟ ଏ'ଶିକ୍ଷା ବ୍ୟବସ୍ଥା ,
ଶିକ୍ଷା ରୂପ ରେଖ ଧନରେ ସଂଶ୍ଳିଷ୍ଟ
ନାହିଁ ଆଉ ମୋ'ର ଆସ୍ଥା ! !
ଉପାର୍ଜନ ଧନ ହୋଇଯିବ ଶେଷ
ରହିଯିବ ଅବଶୋଷ ,
ପୁତ୍ରମଣି ମୋର ହବକି ବିଦ୍ଵାନ ?
ଉଙ୍କିମାରେ କେତେପ୍ରଶ୍ନ ! !
ଟଙ୍କାବିଡା ବସ୍ତା ମୋ'ପାଇଁ ମହଙ୍ଗା
ନାହିଁମୋର ବଳକଳ ,
ବୃଦ୍ଧ ବୟସରେ ହେବି ହୀନିମାନ
ଅନାହାରେ ହେଵକାଳ ! !
କରୁଛି ସ୍ଵୀକାର ଶିକ୍ଷାର ମହତ୍ତ୍ଵ
ଧନଠୁ ବଳିଷ୍ଠ ମାତ୍ର ,
ଧନ ନାହିଁ ଯା'ର ଶିକ୍ଷା ନାହିଁ ତା'ର
ଏ'କଥା କୁହଇ ପୁତ୍ର ! !
ଶିକ୍ଷା ଅୟାରମ୍ଭ ଧନରେ ଜଡିତ
ସପାପନ ତା'ର ନାହିଁ ,
ବିଦ୍ୟାଳୟପରେ ମହାଶିକ୍ଷା ହସେ
କୁଣ୍ଠାବୋଧ ଏତେକାହିଁ , !?!
ତଥାପି ସମ୍ମାନ କରୁଛି ଏ'ମନ
ଶିକ୍ଷାବଡ଼ ଧନଠାରୁ ,
ଶିକ୍ଷାର ଆଲୋକ ଅପୂର୍ବ ବିଭବ
ପ୍ରଣିପାତ ହୃଦୟରୁ ! !
ଧନ ପଛେଯାଉ ପୁତ୍ର ଶିକ୍ଷାପାଉ
ଲୋଡାନାହିଁ ଟଙ୍କାବିଡା ,
ଶିକ୍ଷାର ଶିକ୍ଷକ ହେଉ ମୋ' ସନ୍ତାନ
ନିଜଗୋଡ଼େ ହବଛିଡା ! !
ଶିକ୍ଷାତ ଅକ୍ଷୟ ଜଗତ ବିଜୟ
ତମଷା କରିବ ଦୂର ,
ନବଦିଗନ୍ତର ଶିକ୍ଷା ସୁତ୍ରଧର
ପ୍ରତିବିମ୍ବ ଭାବନାର ! !