ବର୍ଷା ଯେବେ ତୁମେ ଆସ

ମୁଁ ଅଗଣା ରେ ତୁମ 

ରୂପ କୁ ଦେଖେ 

ତୁମ ଟୁପ୍ ଟାପ୍ ଶବ୍ଦ ରେ 

ତୁମେ ଆସ ବୋଲି 

ଝରକା କୁ ଖୋଲି ରଖେ ।

ବର୍ଷା ଯେବେ ତୁମେ ଆସ 

ଭସା ବାଦଲ କୁ ନିରେଖି ଚାହେଁ 

ତୁମ ଝିପ୍ ଝିପ୍ ବର୍ଷା ର ରାତି କୁ 

ବେଙ୍ଗ ର ରଡି ରେ 

ତା ଶବ୍ଦ କୁ ବୁଝିବାକୁ ଚେଷ୍ଟାକରି ଥାଏ ।

ବର୍ଷା ଯେବେ ତୁମେ ଆସ 

ଇନ୍ଦ୍ରଧନୁର ସପ୍ତ ରଙ୍ଗେ 

ଅଧା ଖରା ଅଧା ବର୍ଷା କୁ 

ରଙ୍ଗ ରେ ଭିଯାଉଥାଅ ।

ବର୍ଷା ଯେବେ ତୁମେ ଆସ 

କୃଷକ ତୁମ ଆସିବା ପଥ କୁ 

ଭିଜାଇ ଥାଏ ତା ଶୁଖିଲା ଜମି ରେ 

ଆନନ୍ଦାଭରା ଅଶ୍ରୁ ନେଇ 

ତୁମ ପାଦ ଧୋଇ ଥାଏ ।

ବର୍ଷା ଯେବେ ତୁମେ ଆସ 

ତୁମ ସାଥେ ଭିଜିବା ପାଇଁ ମନ 

ନାଚିଥାଏ 

ତୁମ କୁ ଦେଖି 

କବି ର କବିତା 

ଗୁଣୁ ଗୁଣୁ ଗୀତ ଗାଏ ।

ବର୍ଷା ଯେବେ ତୁମେ ଆସ 

ମୁଁ ତୁମ ସହ ଓଦା ମନ ନେଇ 

ପିଲାଦିନ ର କାଗଜଡଙ୍ଗା କୁ 

ଖୋଜୁଥାଏ ।

ବର୍ଷା ଯେବେ ତୁମେ ଆସ 

କେତେ ଯେ ଭାବନା ର 

ଖିଅ କୁ ଯୋଡି ରଖ 

ଫୁଟନ୍ତା ଫୁଲ ରେ ନିଜ 

ପ୍ରତିବିମ୍ବ ଦେଖ ।

ବର୍ଷା ଯେବେ ତୁମେ ଆସ 

ମୁଁ ଜଣେ ଆନମନା ଶ୍ରାବଣୀ ହୋଇ 

ଝିପ୍ ଝିପ୍ ବର୍ଷା ରେ ଅପେକ୍ଷା ର 

ଅନ୍ତ ଘଟାଇ ମିଶୁଥିଲି 

ଥଣ୍ଡା ଥଣ୍ଡା ପବନ ନେଇ ।