Library
ବରଷା ପ୍ରେମକୁ ଭରସା କରିଛି
ବରଷା ପ୍ରେମକୁ ଭରସା କରିଛି
ଏ ବରଷା ପ୍ରେମିକା ଇନ୍ଦ୍ରଦେବ ସୂତା
ଆସିଛି ସଜେଇ ହୋଇ ;
ପ୍ରେମର ବାରିଧି ଦେବ ସେ ଅଜାଡ଼ି
ମନ ପ୍ରାଣ ନଵ ମୋହି !!
ବରଷା ସୁନ୍ଦରୀ ସ୍ୱର୍ଗ ଅପସରୀ
ପ୍ରେମର ଅମୃତ ଧାରା ;
ପ୍ରେମ ପରଶରେ ରିମି ଝିମିଝିମି ସୁରେ
ପ୍ରୀତି ଗୀତି ଗାଏ ପରା !!
ତା'ପ୍ରେମ କୁହୁକ କରୁଛି ଅଥୟ
କଵି ଭାବନାକୁ ମୋର ;
ରହନ୍ତା କି ପାଶେ ସବୁ ଦିନ ସତେ
ସାଜନ୍ତି ତା'ପ୍ରିୟ ବର !!
ବରଷା ପ୍ରେମକୁ କରିଛି ଭରସା
ଏ ମର୍ତ୍ତ୍ୟ ମଣ୍ଡଳେ ରହି ;;
ପ୍ରେମ ନୀର ଢାଳି ଦେବ ସେ ଭିଜେଇ
ସନ୍ଦେହ ମୋ ଜମା ନାହିଁ !!
ବଧୂବେଶେ ଯେବେ ଆସିବ ମୋ ଘରେ
ମହମହ ବାସ୍ନା ହେବ ;
ବାଜିବ ବାଜଣା ହଜିବ କାନ୍ଦଣା
ସର୍ବ କର୍ମ ହେବ ଶୁଭ !!
ବିରହିଣୀ ବୋଲି ଆଶଙ୍କା ରେ ଥିଲି
ଆଜି ମୁଁ ଜାଣୁଛି ସତ ;;
ସରଳ ହୃଦୟ ବରଷାର ମୋର
ସାଜିଛି ମୋ ମନ ମିତ !!
ପ୍ରେମ ସୁଧାନିଧି ବରଷାର ପ୍ରୀତି
କୋଟି ଜନମନ ଜିଣେ ;;
ଧରାରେ ବସତି ଭିଜା ଭିଜା ମାଟି
ଶ୍ୟାମଳୀ ମା'କଥା ଶୁଣେ !!
ବ୍ରହ୍ମାଣ୍ଡ ସୁନ୍ଦରୀ ମୋ ବରଷା ରାଣୀ
ପିଲା ଦିନୁ ମୋର ସାଥୀ ;;
କେମିତି ଭୁଲିବ ମୋତେ ଜାଣି ଶୁଣି
ମୁଁ ପ୍ରେମର ଦ୍ୱାରିକା ରଥୀ !!
ରୁଣୁ ଝୂଣୁ ତା'ର ପାଉଁଜି ଶବଦ
ପ୍ରେମ ମନ୍ତ୍ର ସାନିଧ୍ୟରେ ;
ପ୍ରେମ ମନ୍ଦିରରେ ସଞ୍ଜ ଆଳତୀରେ
ମୁକ୍ତା ଟୋପା ହୋଇ ଝରେ !!
ଏ ମୁକ୍ତାର ବରଷା ହସାଏ ସହସା
ଅସୁମାରୀ ସ୍ୱପ୍ନ ଭରି ;;
ୠତୁ ରାଣୀ ବୋଲି ଯାଏ ଅପସରି
ବାପ ଘର ପୂଣି ଫେରି !!
ପ୍ରେମର ସମ୍ପର୍କ କରେନା ବିତର୍କ
ପ୍ରେମିକା ମୋ ହସ ଫୁଲ ;;
ମୋ ବର୍ଷା ପ୍ରେମିକା ନୁହେଁ ବିଭୀଷିକା
କରିଦେବ ମୋତେ ଗେଲ !!
ଏ ଜଗତ ଜାଣିଛି ମୋ ବରଷା ପୀରତି
ଚତୁମାସେ ପାଶେ ରହେ ;
ଆଉ ସବୁ ଦିନେ ପ୍ରିୟା ବାପ ଘରେ
ଅବକାଶେ ମନ ମୋହେ !!
ମୋ ଲେଖନୀ ପ୍ରେମିକା ସାଜେ ସ୍ମରଣିକା
ଅପସରି ଯେବେ ଯାଏ;;
ଆରବ ବରଷକୁ ଆସିବ ଘରକୁ
ସିନ୍ଥୀରେ ସିନ୍ଦୁର ନାଏ !!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ସଦାନନ୍ଦ ସାହୁ ;
କାରା କର୍ମଚାରୀ ;
କେନ୍ଦ୍ରୀୟ କାରାଗାର ; କଟକ
email -mrssahoo1977@gmail.com
mobileno-9777361178
