ବନ୍ଧୁ ରେ ବନ୍ଧୁ

,ବନ୍ଧୁର ପଥର ସାଥୀଟିଏ ମୋ ବନ୍ଧୁ

ବନ୍ଧନ ସୁଦୃଢ଼ କରେ ସେହି ବନ୍ଧୁ ।

ବନ୍ଧନ ସକଳ ଛିନ୍ନ କରେ ବନ୍ଧୁ

ବନ୍ଧନୀରେ ଆତ୍ମୀୟତା ଭରେ ବନ୍ଧୁ ।

ବନ୍ଧୁର ହେବାକୁ ଦିଏନା ସମ୍ପର୍କ ବନ୍ଧୁ

ବନ୍ଧୁରତା ଭେଦ କରିପାରେ ବନ୍ଧୁ ।

ବନ୍ଧନରେ ଶିଥିଳତା ସହେନାହିଁ ବନ୍ଧୁ

ବନ୍ଧନରେ ମୁକ୍ତିର ଅନୁଭୂତି ଦିଏ ବନ୍ଧୁ।

ବନ୍ଦ ଦରବାଜା ଖୋଲିପାରେ ବନ୍ଧୁ

ବନ୍ଦନାର ଯୋଗ୍ୟ ବ୍ୟକ୍ତିଟିଏ ବନ୍ଧୁ ।

ବନ୍ଧୁର ବିପଦେ ସହାୟତା ଦିଏ ବନ୍ଧୁ

ବନ୍ଧୁ ମହାନ୍ତିର ପରା ତୁମେ ଶ୍ରେଷ୍ଠ ବନ୍ଧୁ ।

ବଦ୍ଧ ଜୀବ କାହୁଁ ଜାଣିବି ବା ବନ୍ଧୁ

ବଦ୍ଧ ଯୋଗ୍ୟ କେବେ ହୋଇଛି କି ବନ୍ଧୁ !

ବନ୍ଧୁ ଜଗତର ନାମ ତବ ଜଗବନ୍ଧୁ

ବନ୍ଧୁକୁ କିମ୍ପାଇ ତୀକ୍ଷ୍‌ଣ ଶଳାକାରେ ବିନ୍ଧୁ !

ବନ୍ଧୁ ବୋଲି ତବ ପାଦେ ଶରଣ ମୁଁ ବନ୍ଧୁ

ବନ୍ଧୁ ଆହେ ପାରିକର ମତେ ଭବ ବନ୍ଧୁ !