Library
Profile
ବିଦ୍ୟାଳୟ ଆମ ପ୍ରଥମ ଆଳୟ
ବିଦ୍ୟାଳୟ ଆମ ପ୍ରଥମ ଆଳୟ
ପ୍ରଥମ ସୋପାନ ଗାଆଁ ବିଦ୍ୟାଳୟ
ଅଭିନବ ଅନୁଭୂତି ,
ଚପଳ ଶିଶୁକୁ ଗୁରୁଜୀ ପଢ଼ାନ୍ତି
ମନେ ଭରି ନବଜ୍ୟୋତି ।
ହିତାକାଂକ୍ଷୀ ହୋଇ ଢାଳନ୍ତି ଆଶିଷ
ନବ ଆଶା ଭରି ହୃଦେ ,
ବେତ ବାଡି ଧରି ପଢାନ୍ତି ଶିଷ୍ୟଙ୍କୁ
ଅନୁଶାସନର ମଧ୍ୟେ ।
ପ୍ରଥମ ପ୍ରଣାମ ଗୁରୁ ଶ୍ରୀଚରଣେ
ତା'ପରେ ପ୍ରାର୍ଥନା ହୁଏ ,
ପଢା ସରଞ୍ଜାମ ଗୋଡ଼ି, କାଠି ନେଇ
ଶିଷ୍ୟ ଉପସ୍ଥିତ ରହେ ।
ଜ୍ଞାନର ମନ୍ଦିର ପବିତ୍ର ଆଳୟ
ନଥିଲା ତ' ଆବିଳତା ,
ଗୁରୁ, ଛାତ୍ରଙ୍କର ଅତୁଟ ସମ୍ବନ୍ଧେ
ହୃଦୟେ ଥିଲା ଏକତା ।
ବିତେ ଦିନ ମାସ ବରଷ ବରଷ
ଅଭୁଲା ଅଲିଭା ସ୍ମୃତି ,
ଛାତ୍ର ,ଛାତ୍ରୀ ଆଜି ଆଦରି ଅଛନ୍ତି
ବିଦେଶୀ ଭାଷା ସଂସ୍କୃତି ।
ପୁଣ୍ୟଭୂମି ଆମ ଦେବଭୂମି ଆମ
ଓଡ଼ିଶା ଜନମ ଭୂଇଁ ,
ଓଡ଼ିଆ ତ’ ଆମ ମାତୃଭାଷା ବୋଲି
&nbs
p; ମନରୁ ଭୁଲିବା ନାହିଁ ।
ଟଳ ମଳ ଆଜି ଭାଷା ଓ ସଂସ୍କୃତି
ଜୀର୍ଣ୍ଣ ଶୀର୍ଣ୍ଣ ଭାଷାପ୍ରୀତି,
ବିଦେଶୀ ଭାଷାକୁ ପ୍ରାଧାନ୍ୟତା ଦେଇ
ଓଡ଼ିଆର ଅଧୋଗତି ।
ପଢୁ ପଛେ ପିଲା ବିଦେଶେ ଆମର
ଚାକିରୀ ସମସ୍ୟା ନେଇ,
ଶିଖାଇବା ଘରେ ଗୁରୁ ହୋଇ ତାଙ୍କୁ
ଓଡ଼ିଆରେ କଥା କହି ।
ଓଡ଼ିଶା ଭୂଇଁର ସନ୍ତାନ ଆମେ
ଆଣିବା ନୂଆ ପ୍ରଗତି,
ଓଡ଼ିଆ ଭାଷାର ମାନ ବଢ଼ାଇବା
ମାତୃଭାଷା ପ୍ରତି ପ୍ରୀତି ।
ବିଦ୍ୟା ଅଟେ ଜ୍ଞାନ ପବିତ୍ର ଆଳୟ
ଗୁରୁ ହିଁ ପ୍ରଥମ ଶକ୍ତି ,
ବିନା ଗୁରୁ ଜ୍ଞାନେ ନ ହେବ ଉନ୍ନତି
ଗୁରୁଙ୍କୁ କରିବା ଭକ୍ତି ।
ଗ୍ରୁରୁ ଛାତ୍ରଙ୍କର ସ୍ନେହ ଶ୍ରଦ୍ଧା ଆଉ
ସତ୍ୟ ଓ ଭକତି ବଳେ,
ଶିକ୍ଷା ଓ ସଂସ୍କୃତି ମର୍ଯାଦା ଲଭିବ
ଓଡ଼ିଶା ଭୂଇଁର କୋଳେ।
