ବିଦାୟ ବେଳର ସ୍ମୃତି

ବିଦାୟ ବେଳାର ସେ କିଛି ମୂହୁର୍ତ୍ତ

    ମନେ ପଡୁଅଛି ନିତି

ସବୁଦିନ ପାଇଁ ହୃଦୟେ ମୋହରି

   ହୋଇ ରହିବ ଯେ ସ୍ମୃତି ।

ଛାତ୍ରଙ୍କ ଭିତରେ  ସବୁଠୁ ଯେ ମୁହିଁ

    ଥିଲି ଯେ ତୁମରି ପ୍ରିୟ

ଯିବା ସମୟରେ ହେ ଗୁରୁଜୀ ମୋର

   ଶୁଭାଶିଷ ଦେଇ ଯାଅ ।

ଜଗୁ ଜଗୁ ବୋଲି ଡାକୁଥିଲ ମୋତେ

    ଦେଉଥିଲ ଶ୍ରଦ୍ଧା ସ୍ନେହ

ତେଣୁ ଭାସି ଆସେ ପ୍ରତି ମୂହୁର୍ତ୍ତରେ 

    ତୁମରି ସେ ଚିହ୍ନା ମୁହଁ ।

ତୁମଠୁ ଶିଖିଛି  କେତେ କଥା ମୁହିଁ

     ପାଇଛି ଶିକ୍ଷାର ଦାନ

ତେଣୁ ମୋ ପାଇଁ ହେ ଗୁରୁଜୀ ତୁମେ

     ଅଟଯେ ତୁମେ ମହାନ ।

ଗୁରୁ ଦକ୍ଷିଣାରେ ଦେବା ପାଇଁ ଆଜି

    ମୋ ପାଖରେ କିଛି ନାହିଁ

ଦେଇଥିବା ଜ୍ଞାନୁ କେତେଗୋଟି ଶଦ୍ଦ

     ସାଉଁଟୁଛି ତୁମ ପାଇଁ ।

ଚିର ସ୍ମରଣୀୟ   ହେଉ ଏ ଦିବସ

   ଆମେ ଦୁହିଁଙ୍କ ଯେ ପାଇଁ

ମଥାନତ କରି   ପ୍ରଣିପାତ କରେ

   ଦୋଷ ମୋ ଧରିବ ନାହିଁ।

ବିଦାୟ ଦେଉଛୁ  ଏହି ବିଦ୍ଯାଳୟୁ

    ଦୁଃଖକୁ ହୃଦୟେ ଚାପି

ସବୁଦିନ ପାଇଁ   ଅଭୁଲା ରହିବ 

     ବିଦାୟ ବେଳର ସ୍ମୃତି ।