ଭିଜା ମାଟି

ଭିଜା ବର୍ଷା ମାଟି ଦେହର ବାସ୍ନା 

 ଅଙ୍ଗେ ଭରି ଯାଏ 

କାଦୁଅ ଛିଟାରେ ପାଦ ପଡ଼ି ଚିହ୍ନ 

ପଥ ହଜି ଯାଏ ।

ଟୋପା ଟୋପା ଜଳ ସହସ୍ର ସହସ୍ର 

ମିଶି ଏକାଠି 

ରୁଣ୍ଡ ହେଲା ପରେ ସବୁ ଜଳରାଶି 

ପଦ୍ମ ଦିଏ ହସି ।

ପ୍ରଥମ ବର୍ଷା ଛିଟା ପଡ଼ିଲେ ମାଟିରେ 

ସୁଗନ୍ଧ ଆସେ ଉଠି 

ମୟୂର ନାଚ କରେରିମ୍ ଝିମ୍ 

ବରଷାରେ ଭିଜି ।

ଭିଜା ସକାଳର ସୁନେଲିରବି 

କିରଣ ବାଜି 

ବନ ଲତା ପୁଷ୍ପ ଚେଇଁ ଉଠନ୍ତି 

ମାଟିରେ ଭେଦି ।

ଜହ୍ନର କିରଣ ଭିଜା ମାଟି ସକାଳ 

କୋଇଲିରରାବ 

କାନନ ଗନ୍ଧରେ ଝୁମି ଉଠେ 

ରାଧା କୃଷ୍ଣ ଭାବ ।

ଭିଜା ଭିଜା ମାଟିର ଗନ୍ଧରେ 

ଚେଇଁ ଉଠେ ଶାମୁକା 

ଭିଜା ଭିଜା ମାଟିର ଗନ୍ଧରେ 

ଚେଇଁ ଉଠେ ରଜନୀଗନ୍ଧା 

ଭିଜା ଭିଜା ମାଟିର ଗନ୍ଧରେ 

ହସେ ପୁଷ୍କରିଣୀ 

ଭିଜା ଭିଜା ମାଟିର ଗନ୍ଧରେ 

ହସେ ଧରଣୀରାଣୀ ।