ଭୀଷ୍ମ ପଞ୍ଚକ

        ଭୀଷ୍ମ  ପଞ୍ଚକ

       •••••••••

ଅଜ୍ଞାନ ଅମାନବୀୟ ଶରବିଦ୍ଧ ଦିବ୍ୟ ମାନବଗଣ ଆମେ କଳିଯୁଗର,

ମହାଭାରତର ଗଙ୍ଗାମାତାଙ୍କ ସୁପୁତ୍ର

ଭୀଷ୍ମ ମହାରଥୀଙ୍କ ଆମେ ପଥ ଭ୍ରଷ୍ଟ

ବଂଶଧର  l

ଆମେ ନୋହୁଁ ଦ୍ୱାପରର ଭୀଷ୍ମ 

ପାଳୁ ତାଙ୍କ ସ୍ମାରକୀ ପଞ୍ଚକ 

ଶରଶଯ୍ୟାର ପ୍ରତୀକ,

ଅଥଚ ନକରୁ ଗୁହାରି ପଦ୍ମପାଦେ 

ଜଗତର ନାଥଙ୍କ କାଢ଼ି ନେବାକୁ 

ଆମ ତନୁମନୁ କଳିଯୁଗ କଳଙ୍କ l

ଆଜି ଭୀଷ୍ମ ପଞ୍ଚକେ କରୁଛୁ ଅଳି

ସେ ଦ୍ୱାପର-କଳି ଶ୍ରୀକୃଷ୍ଣ-ଜଗନ୍ନାଥ ଙ୍କ ବଦାନ୍ୟତାକୁ ମନପ୍ରାଣ ଢାଳି,

କରନ୍ତୁ ସାରା ବିଶ୍ୱକୁ ଆପଦା ମୁକ୍ତ

ସଦା କରନ୍ତୁ ବନ୍ଧନ ବିଶ୍ୱ ପ୍ରାଣେ

ସୁଖ ଶାନ୍ତି ସୌହାର୍ଦ୍ୟର ମେଖଳା

ସୁନେଲି l

ପ୍ରତ୍ୟୁଷ ସ୍ନାନ ଦେବ ଦର୍ଶନ କରୁ

ଆମ ପ୍ରାଣେ ଦିବ୍ୟ ସତ୍ତା ଯୁକ୍ତ

ପୂଣ୍ୟ ଅମୀୟ ବର୍ଷଣ,

କଟି ଯାଉ ଜରା ବ୍ୟାଧି ଆର୍ଥିକ

ସଙ୍କଟ ଆମ ସକଳ କଷଣ l

କାର୍ତ୍ତିକ ମହାତ୍ମ୍ୟ କରୁ ଉଦ୍ଭାସିତ

ସର୍ବ ବୃକ୍ଷ ଲତା ଗୁଳ୍ମ ତୃଣ

ଗାତ୍ରେ ଦ୍ରବ୍ୟ ଗୁଣେ,

ବିଶ୍ୱ ମାନବ ଜାତି ଚିତ୍ତ ହେଉ ଆଧ୍ୟାତ୍ମିକ ଶକତିରେ ପ୍ରାଣବନ୍ତ

ବଞ୍ଚି ରହନ୍ତୁ ସେମାନେ ଚିରକାଳ

ଆନନ୍ଦ ଉଲ୍ଲାସେ ମାନବୀୟ 

ସୁଗୁଣେ l

[ Composed by © Abadhoot Panda, Cuttack on 31.10.25

on the special occasion

of KARTIK BRATA & PANCHAKA rituals ]