ଭାବନା

ପ୍ରଭାତାରୁଣ ଲୋହିତବର୍ଣ୍ଣେ

ଉଠିଛନ୍ତି ଗିରି ଶିଖେ

ପୂର୍ବ କଟକେ ସୁନ୍ଦର ରୂପେ

ଲେଲିହାନ ଆଭା ଲେଖେ ll

କୁସୁମରାଶି ସୁବାସ ବିତରି

ବିତରନ୍ତି ଲୋହିତାଙ୍ଗ

ସୌନ୍ଦର୍ଯ୍ୟରେ ଧରା ପୁଲକିତ ଆଜି

ଭରିଛି ସ୍ୱର୍ଗୀୟ ରଙ୍ଗ ll

କି ସୁନ୍ଦର ସତେ ଏହି ଶୈଳମାଳା

ଗମ୍ଭୀରଭାବବ୍ୟଞ୍ଜକ

ଭୟୋଦ୍ଦୀପକ ପ୍ରଖର ବାହିନୀ

ହୁଏ ସମୁଦ୍ରାଭିମୁଖ ll

ଅନନ୍ତ ଅସୀମ ସାଗର ବକ୍ଷେ

ମିସେ ଯେବେ ସ୍ରୋତସ୍ୱିନୀ

ବକ୍ଷେ ତାହାର ଉନ୍ମାଦ ଭରେ

ହୁଏ ସେ ସାଗର ରାଣୀ ll

ମାନବ ମନ ଅସୀମ ଅମାପ

କ୍ରମାଗତ ଲେଖେ ଭାଵ

କବିତାଗ୍ରନ୍ଥ ଗଳ୍ପଏକାଙ୍କିକା

ଜୀଵ ସ୍ୱାର୍ଥବୈଭବ ll

ପ୍ରାଚୀନରୁ ପ୍ରାଚୀନୋତ୍ତର

ଭାବର ବିନ୍ୟାଶ କରି

ପୂଜା ପାଇଅଛି ଜଗତ୍ ପଥେ

ଅନ୍ଧକାର ଦୂରକରି ll