ବୈଦେହୀ

ହେ ବୈଦେହୀ ! ବିଦେହ ନନ୍ଦିନୀ 

ଭୁଲିବାକୁ ଚେଷ୍ଟା କର 

ଅତୀତ ଯାତନା, 

ଅଶୋକ ବନର ନିଃସଙ୍ଗତା 

ଅକୁହା ଆବେଗ ବ୍ୟଥା |  

ନାରୀ ଜୀବନ ଲକ୍ଷ୍ମଣ ରେଖା 

ଅତିକ୍ରାନ୍ତେ ଏ ଶାସ୍ତି  ବିଧାନ 

ସମାଜ ପ୍ରସୂତ କାଳେ କାଳେ 

ପତ୍ନୀ ଧର୍ମ ପାଳନେ 

ସତୀତ୍ଵ ପରୀକ୍ଷା 

ନିହାତି ଜରୁରୀ ଯୁଗେ ଯୁଗେ 

ରାମଚନ୍ଦ୍ର ମାନଂକର 

ଭାବିନିଅ ଵିଧିର ବିଧାନ 

ପାପୀର ସଂହାର ଲାଗି 

ଏ ସବୁ ତୁମ ଅବତାର |

ସାଧାରଣ ମାନବ ସମ 

ଦେବତା ଯଦି 

ମାୟା ମୃଗ ପଛେ 

ଧାଇଁବା ସମ୍ଭବ 

ତେବେ ଦୋଷ କାହାକୁ ଦେବ ?