ବାପା
ବାପା
ଯାହା ପାଇଁ ଆଜି ଏଇ ମୋ ଜୀବନ
ଯାହା ପାଇଁ ଯଉବନ
ଯାହା ପାଇଁ ଚାଲେ ମୋ ଦେହେ ପବନ
ସେ ହିଁ ମୋର ଭଗବାନ ||
ଧନ୍ୟ ତୁମେ ପିତା ତୁମରି ଆଶିଷେ
ମାତୃଗର୍ଭେ ଦେଲ ସ୍ଥାନ
ତୁମରି କୃପାରୁ ଭୂମିଷ୍ଠ ହୋଇଣ
ଦେଖିଲି ସୃଷ୍ଟି ଭିଆଣ ||
ଶାନ୍ତି, ଦୟା, କ୍ଷମା, ଶିକ୍ଷା ଓ ସଂସ୍କାର
ମନେ ମୋ ଭରିଦେଇଛ
ସତ୍ୟ ଓ ନ୍ୟାୟ ପଥେ ଚାଲିଵା ପାଇଁ
ମାର୍ଗ ଦେଖେଇଛ ||
ଦୁଷ୍ଟ ହେଲେ ସେ ଆକଟ କରନ୍ତି
ଧରେଇ ଦିଅନ୍ତି କାନ
ମୁଣ୍ଡକୁ ଆଉଁସି କୋଳରେ ବସେଇ
ଦିଅନ୍ତି ଅନେକ ଜ୍ଞାନ ||
ସବୁ ଯନ୍ତ୍ରଣାକୁ ଛାତିରେ ଚାପିରଖି
ସଭିଁଙ୍କ ଓଠରେ ଫୁଟାନ୍ତି ହସ
ଖରା, ବରଷା ଓ ଶୀତକୁ ସହି ସେ
କର୍ମ କରୁଥାନ୍ତି ବାରମାସ ||
ତାଙ୍କ ପାଇଁ ଆଜି ପରିଚୟ ମୋର
ସେ ଯେ ମୋର ପ୍ରାଣ
ଯେତେ ଚେଷ୍ଟା କଲେ ସୁଝି ହେବନାହିଁ
ତାଙ୍କରି ତ୍ୟାଗର ଋଣ ||
ମୁଣ୍ଡର ଝାଳକୁ ତୁଣ୍ଡରେ ପିଅନ୍ତି
ରକତକୁ ପାଣି କରି
ସେ ଆମ ପାଇଁ ଜୀବନ୍ତ ଈଶ୍ଵର
କେହି ହେବେ ନାହିଁ ତାଙ୍କ ସରି ||