ଅନୁଭବ
ଅନୁଭବ
ନୟନ ଯୁଗଳ ନୁହେଁ ଜଳାଶୟ
ପାଣିରେ ଯାଉଛି ଭରି
ଶତ୍ରୁ ବି ନୁହଁଇ କେଉଁ ବୃକ୍ଷ ମଞ୍ଜି
ବଢେ କିନ୍ତୁ ବୃକ୍ଷ ପରି ।
ଲୁହା ନୁହେଁ କେବେ କାହାର ଚରିତ୍ର
ଉପୁଜେ କଳଙ୍କି ସ୍ଥର
ରୂପ ଭେକହୀନ ସମ୍ମାନ ହୋଇ ବି
ଘାଇଲା କରେ ଶରୀର ।
ମନ ନୁହେଁ କେଉଁ କ୍ଷିପ୍ରଗତି ଯାନ
ବିଚକ୍ଷଣ ତା'ର ଗତି
ନିୟନ୍ତ୍ରଣହୀନ ହୋଇଗଲେ ଥରେ
ସ୍ଥିତି ହୁଏ ସାଙ୍ଘାତିକି ।
ବିବେକ ନୁହଇଁ କେଉଁ ଖାଦ୍ୟପ୍ରାଣ
ଖାଇଲେ ରହିବା ସୁସ୍ଥ
ତଥାପି ବିବେକ ହାରିଥାଏ ଯେହୁ
ଭୋଗିଥାଏ ବହୁ କଷ୍ଟ ।
ଅନୁଭୂତି ନୁହେଁ କେଉଁ ଚଳଚିତ୍ର
ଦେଖି ହେବ ପରଦାରେ
ତଥାପି ମଣିଷ ସ୍ପଷ୍ଟ ଦେଖିପାରେ
ନିଜର ସ୍ମୃତି ପଟ୍ଟରେ ।
ମାନବ ନୁହଁଇ ଋତୁ କେବେହେଲେ
ବଦଳେ ସେ ଋତୁପରି
ସମସ୍ୟା ବହୁଳ ସଂସାର ଭିତରେ
ଜିତୁ ଜିତୁ ଯାଏ ହାରି ।