ଅକ୍ଷୟ ତୃତୀୟା

ଆଜିଏ ଅକ୍ଷୟ ତୃତୀୟା ଦିନଟି

ସବୁଠାରୁ ଶୁଭଦିନ

ସବୁ ଶୁଭକାର୍ଯ୍ୟ ହୁଏ ଶୁଭାରମ୍ଭ

ଆନନ୍ଦିତ ଜନ ମନ 

ଏହି ତିଥିରେ ତ ରଥର ନିର୍ମାଣ 

ପାଇଁ ଶୁଭାରମ୍ଭ ହୁଏ

ମହାକାଳୀ ମନ୍ତ୍ରେ ପୂଜିତ କୁରାଢ଼ି

ଅନୁକୂଳ କରିଥାଏ 

ନିର୍ବନ୍ଧ ବିବାହ ବ୍ରତୋପନୟନ

ଏହିଦିନ ଶୁଭ ହୁଏ

ଗୃହ ନିରିମାଣ ପାଇଁ ଏହି ଦିନ 

ଶୁଭ ଦିଆଯାଇଥାଏ 

ଚାଷୀ ପୁଣି ଚାଷ କାମରେ ତାହାର

ଶୁଭାରମ୍ଭ କରିଥାଏ

ଅମୃତ ବେଳାରେ ଅଖି ମୁଠି ଧରି

ଅନୁକୂଳ କରିଯାଏ 

ଜମିର ଐଶାନ୍ୟ କୋଣେ ହଳ କରି

ଲକ୍ଷ୍ମୀଙ୍କର ପୂଜା ସାରି

ଖତ ଓ ବିହନ ବୁଣି ସାରି ଚଷା

ଘରକୁ ଆସଇ ଫେରି 

କୃଷକ ଦିବସ ନାମେ ଏହି ଦିନ

ଚାଷୀଙ୍କୁ ମିଳେ ସମ୍ମାନ

ଏହିପରି କେତେ ଶୁଭ କାର୍ଯ୍ୟମାନ

ହୋଇଥାଏ ଏହି ଦିନ